Qazaqstan Respublikasy Ükımetınıŋ Qaulysymen Aijan Serıkbaiqyzy Esmaǧambetova Qazaqstan Respublikasynyŋ densaulyq saqtau vise-ministrı — Qazaqstan Respublikasynyŋ Bas memlekettık sanitarlyq därıgerı bolyp taǧaiyndaldy. Būl turaly QR Premer-Ministrınıŋ Baspasöz qyzmetı habarlady, dep jazady "Adyrna" ūlttyq portaly.
Aijan Esmaǧambetova 1972 jyly Almaty oblysynda tuǧan. 1997 jyly Almaty memlekettık medisina universitetın, Qazaqstan medisina universitetın (Qoǧamdyq densaulyq saqtau Joǧary mektebı), Almaty menedjment universitetın bıtırgen.
Eŋbek jolyn 1990 jyly Almaty qalasyndaǧy №7 emhanada feldşer-zerthanaşy bolyp bastaǧan.
1997-2004 jj. respublikalyq sanitarlyq-epidemiologiialyq stansiiasynyŋ asa qauıptı infeksiialar bölımınde därıger-epidemiolog, därıger-bakteriolog, zerthana meŋgeruşısı bolyp jūmys ıstedı.
2004-2014 jj. QR DSM Memlekettık sanitarlyq-epidemiologiialyq qadaǧalau komitetınıŋ qūrylymynda türlı lauazymdar atqardy.
2013 jyly QR DSM Memlekettık sanitarlyq-epidemiologiialyq qadaǧalau komitetınıŋ töraǧasy bolyp taǧaiyndaldy.
2014 j. – QR tūtynuşylardyŋ qūqyqtaryn qorǧau agenttıgınıŋ epidemiologiialyq qadaǧalau departamentınıŋ direktory – Bas memlekettık sanitarlyq därıgerdıŋ orynbasary.
2014-2017 jj. – QR ŪEM Tūtynuşylardyŋ qūqyqtaryn qorǧau komitetınıŋ epidemiologiialyq qadaǧalau basqarmasynyŋ basşysy.
2017 j. – QR DSM Strategiialyq damu jäne qoǧamdyq densaulyq saqtau departamentınıŋ direktory. 2017-2020 jj. – QR Qoǧamdyq densaulyq saqtau saiasaty departamentınıŋ direktory.
2020 j. – QR DSM Tauarlar men körsetıletın qyzmetterdıŋ sapasy men qauıpsızdıgın baqylau komitetı töraǧasynyŋ orynbasary.
2020 jylǧy qazannan qazırgı uaqytqa deiın QR DSM Sanitarlyq-epidemiologiialyq baqylau komitetınıŋ töraǧasy bolyp jūmys ıstedı.
"Adyrna" ūlttyq portaly
