"Qazaqstan" respublikalyq teleradiokorporasiiasy» aksionerlık qoǧamy Direktorlar keŋesı müşelerınıŋ kezektı otyrysynda Qazaqstan Respublikasy Prezidentınıŋ Baspasöz hatşysy Berık Uäli «Qazaqstan» RTRK» AQ Direktorlar keŋesınıŋ töraǧasy bolyp sailandy, dep habarlaidy "Adyrna" ūlttyq portaly teleradiokorporasiianyŋ baspasöz qyzmetıne sılteme jasap.
Berık Uäli 1977 jyly tuǧan. T.Q.Jürgenov atyndaǧy Qazaq memlekettık teatr jäne kino institutyn kinotanuşy mamandyǧy boiynşa, Äl-Farabi atyndaǧy Qazaq ūlttyq universitetınıŋ magistraturasyn jurnalistika mamandyǧy boiynşa, Qazaq innovasiialyq gumanitarlyq zaŋ universitetın qūqyqtanu mamandyǧy boiynşa bıtırgen.
Eŋbek jolyn «Taŋ» telearnasynyŋ tılşısı bolyp bastap, türlı jyldary «31 arna», «Habar», «Qazaqstan» telearnalarynyŋ redaktory jäne jürgızuşısı bolyp eŋbek ettı. Sybailas jemqorlyqqa qarsy «Nūr Media» media ortalyǧyn basqarǧan. OQO äkımı apparaty basşysynyŋ orynbasary, OQO Işkı saiasat jäne dın ısterı basqarmasynyŋ basşysy, Jambyl oblysynyŋ Işkı saiasat basqarmasynyŋ basşysy, «Nur Otan» partiiasy töraǧasynyŋ bırınşı orynbasarynyŋ keŋesşısı, QR İnvestisiialar jäne damu ministrınıŋ keŋesşısı jäne aqparattyq qamtamasyz etu departamentınıŋ direktory qyzmetterın atqarǧan.
2019 jylǧy nauryzda Memleket basşysynyŋ Ökımımen Qazaqstan Respublikasy Prezidentınıŋ Baspasöz hatşysy bolyp taǧaiyndaldy. Sonymen qatar 2019 jyldyŋ qyrküiek aiynda «QR Prezidentınıŋ Teleradiokeşenı» KEAQ Direktorlar keŋesınıŋ töraǧasy bolyp sailandy.
"Adyrna" ūlttyq portaly
