Nıý-Iork Federaldy soty Qazaqstan Respýblıkasynyń Nıý-Iorktegi qarjyger Denıel Chapmenge jáne onyń Argentem Creek ("Chapmen") kompanııasyna qarsy moldovalyq olıgarhtar Anatol men Gabrıel Statıdiń keń aýqymdy alaıaqtyq shemalaryndaǵy róli úshin, onyń sot isin qabyldamaý áreketterine qaramastan, jalǵasady dep sheshti, dep habarlaıdy "Adyrna" ulttyq portaly Ádilet mınıstrliginiń baspasóz qyzmetine silteme jasap.
2022 jyly 11 aqpanda AQSh okrýgtik soty (Nıý-Iorktiń ońtústik okrýgi) qabyldaǵan sheshimder:
- Qazaqstannyń Chapmenge qarsy talaptaryn Nıý-Iork shtatynyń sotyna qaıtarý týraly ótinishin qanaǵattandyrdy;
- Chapmenniń Qazaqstan talaptaryn qabyldamaý týraly ótinishin talap qoıýshynyń talap qoıý quqyǵyn saqtaı otyryp, qabyldamady;
- Chapmenniń Outrider talaptaryn qarastyrmaý týraly ótinishin qabyldamady;
- Chapmenniń Outrider talaptaryn HSP-daǵy tórelik tártipte qaraýdy májbúrleý týraly ótinishin qanaǵattandyrdy.
"Bul - Qazaqstan úshin óte mańyzdy jeńis. Ol Chapmenge qarsy sot isin jalǵastyrýǵa múmkindik beredi. Nıý-Iorktegi talap-aryz boıynsha, Chapmen Statıdiń alaıaqtyǵyn shamamen 2012 jyly anyqtaǵan. Alaıda oǵan qarsy quqyqtyq sharalar qoldanýdyń ornyna Qazaqstandy jáne basqa da tulǵalardy aldaý maqsatynda Statımen zańsyz sóz baılasqan", - dep túsindirdi mınıstrlik ókili.
Vedomstvo málimetinshe, Statıdiń alaıaqtyǵy - anyqtalǵan derek. Ol Brıýssel apellıaııalyq sotynyń 2021 jylǵy qarashadaǵy sheshimi boıynsha rastalǵan. Onda sot Statı Qazaqstanǵa qarsy tórelik talqylaýǵa deıin, talqylaý barysynda jáne odan keıin de alaıaqtyq áreketter jasady degen qorytyndyǵa keldi.
Jaqynda taǵaıyndalǵan Qazaqstan Respýblıkasynyń Ádilet mınıstri Qanat Mýsın bul sheshimge kelesideı túsinikteme berdi:
«Nıý-Iork sotynyń búgingi sheshimi Qazaqstannyń sybaılas jemqorlyqqa qarsy jáne Statı men onyń sybaılastaryn jaýapkershilikke tartý jónindegi jalǵasyp jatqan áreketterindegi qýantarlyq oqıǵa bolyp tabylady. Endi Chapmenniń Statı alaıaqtyǵyna qatysqandyǵy AQSh sotynda tolyǵymen ashylatyn bolady».
Bul sheshimge qazir Qazaqstan Premer-Mınıstriniń keńesshisi bolyp tabylatyn burynǵy Ádilet mınıstri Marat Beketaev kelesideı túsinikteme berdi:
«Sońǵy eki jyl ishinde Chapmen amerıkandyq sottardyń Qazaqstan (jáne Outrider kompanııasy) bergen talap-aryzdaryn máni boıynsha qaraýyn toqtatýǵa jáne/nemese keıinge qaldyrýǵa barynsha tyrysty. Biz amerıkandyq sottardyń - aldymen Vashıngtonda, al qazir Nıý – Iorkte – bul áreketterdi qabyldamaǵanyna jáne endi sot bizdiń talaptardy odan ári qaraıtynyna qýanyshtymyz».
"Adyrna" ulttyq portaly
