Qala ákimi Ál-Farabı aýdanynyń belsendilerimen kezdesti

1999
Adyrna.kz Telegram

Shymkent qalasynyń ákimi Murat Áıtenov qordalanǵan máselelerdi sheshý úshin Ál-Farabı aýdanynyń belsendilerimen kezdesti. Turǵyndar káriz júıesi, jol, jaryqtandyrý, abattandyrý sekildi máselelerdi qozǵady.

Búgingi kezdesý barysynda Sáýle shaǵyn aýdanynda gúlzar salynatyny belgili boldy. Shaǵyn aýdanda 2,5 gektar jerge gúlzar salý maqsatynda JSQ ázirlenýde. Al, Naýryz shaǵyn aýdanyndaǵy káriz júıesinen keıingi qazylǵan joldy asfalttaý máselesi bıyl sheshiledi.

Tekesý turǵyndary asfalt jol, aýyz sý máselesimen kelgen. Shahar basshysy osy jylǵa 3 kóshege (Kóldi, Aqsaı kósheleri) uzyndyǵy 1,6 shaqyrym asfalt tóseýge usynys berilgenin, aýyz sý júıesimen qamtamasyz etý maqsatynda JSQ ázirlenip, bıýdjetke usynylǵanyn aıtty.

195 oramdaǵy kóshelerge asfalt tósep berýdi suraǵan turǵynǵa – bıyl Aqjaıqyn, Qyzyltas, Jalaýly, ataýy joq kóshe №1, Qaraǵandy kóshelerine jalpy uzyndyǵy asfalt tóseý jumystary júrgiziletinin jetkizdi.

Aqtas eldimekeninde aýyz sý boıynsha abonentteý jumystary júrgizilýde. Munda aýyz sýmen qatar tabıǵı gaz máselesi de jyl sońyna deıin sheshimin tabady.

M.Áıtenov osyndaı kezdesýler kezinde birinshi kezektegi sheshilýi tıis máseleni ashyq talqylap, jumysty birlese júrgizýdiń artyqshylyǵyna toqtaldy. Eldimekenniń atynan jaýapkershilik arqalap kelgen belsendilerge alǵysyn bildirdi.

Shymkent qalasy ákimdiginiń baspasóz qyzmeti

Pikirler