Qazaqstandaǵy adam quqyqtary jónindegi ýákil Másimovtiń isi boıynsha "aqparat bar, biraq jumystyń ereksheligi sondaı, barlyq derekterdi tolyq ashyp kórsetýge múmkindik bermeıdi"dedi.
Ulttyq qaýipsizdik komıtetiniń burynǵy basshysy Kárim Másimov ázirge óziniń qamaýda ustaý tártibine shaǵymdanǵan joq. Bul týraly BaigeNews.kz agenttigine bergen suhbatynda Adam quqyqtary jónindegi ýákil Elvıra Ázimova aıtty, dep habarlaıdy "Adyrna" ulttyq portaly.
Ombýdsmen Másimovtiń qylmystyq quqyq buzýshylyq jasady degen kúdikke ilingen kez-kelgen basqa ustalǵan azamattarmen birdeı jaǵdaıda tergeletinin atap ótti.
"Ázirge Másimovtyń jeke basyna qatysty shaǵymdar kelip túsken joq, sondyqtan qandaı da bir tyń málimet aıta almaımyn. Jalǵyz otyrsyn, birneshe adammen otyrsyn, kameranyń aty kamera. Artyq qylyp qaraý degen másele joq", dedi ol.
"Ádette, UQK tergeý ızolıatorlarynda, olarda aýyr jáne neǵurlym aýyr qylmystar júrip jatqanyn eskere otyryp, qylmystyq-atqarý júıesiniń ádettegi tergeý ızolıatorlaryna qaraǵanda, adamdar az birigedi. Eger siz eki bólek kameraly bólmeni salystyrsańyz, olardyń birinde únemi 20-30 adam, al ekinshisinde eki, úsh adamnan ǵana bolady. Qaısysy tezirek tozýy múmkin? Ustalǵandar arasyndaǵy úlken aıyrmashlyq osy kamerada. Áıtpese advokattarǵa, medıınalyq kómekke, tamaqtanýǵa qol jetimdilik - barlyq qamaýda otyrǵandarǵa ortaq. Mysaly, bir jerde ystyq sý bar, biraq bir jerde ol joq bolýy múmkin emes. UQK tergeý ızolıatorynda da kúsheıtilgen rejım bolýy múmkin", - dedi Ázimova.
"Adyrna" ulttyq portaly
