Reseıdiń Syrtqy barlaý qyzmetinde (SVR) Qazaqstanda qańtardaǵy oqıǵaǵa daıyndyq týraly aqparat bolǵan.
Bul týraly Syrtqy barlaý qyzmetiniń basshysy Sergeı Naryshkın «Moskovskıı komsomole» gazetine bergen suhbatynda aıtty, dep habarlaıdy Orda.kz saıtyna “Adyrna” ulttyq portaly silteme jasap.
«Árıne boldy. Birinshiden, Sırııada talqandalǵan DAISh bandylarynyń sodyrlary jáne basqa da lańkestik toptardyń Ortalyq Azııa memleketterine qol sozǵany týraly. Bul biz úshin de, osy memleketterdiń arnaıy qyzmetteri úshin de qupııa emes edi. Mundaı qozǵalystyń kimniń qamqorlyǵymen bolǵany da belgili boldy. Buǵan aımaqtyń barlyq memleketteri alańdaýshylyq bildirdi. Biz bul aqparatty Qazaqstandaǵy jáne UQShU-ǵa múshe basqa memleketterdegi áriptestermen bólistik» dedi Naryshkın.
Onyń aıtýynsha, Qazaqstandaǵy oqıǵalar destrýktıvti saıası kúshterdiń ekonomıkalyq urandarmen beıbit narazylyq akııalaryn qalaı tez jáne josparly túrde paıdalanyp, ártúrli «túrli-tústi revolıýııalar» jasaýǵa tyrysatynyn anyq kórsetti.
«Bul kúshter barlyq baǵyttaǵy sodyrlardy qoldanýdan bas tartpaıdy. Olardyń basshylyǵy 2014 jyly Ýkraınada anyq kórsetilgen ishki saıası jaǵdaıdy shaıqaýdyń standartty shemalary boıynsha júzege asyrylady» dedi RF Syrtqy barlaý qyzmetiniń basshysy.
Onyń paıymdaýynsha, UQShU-ǵa múshe memleketterdiń is-áreketi jedel jáne jaýapty sheshimderdiń qalaı qabyldanatynyn kórsetti.
«Ekstremıstik jáne lańkestik toptar men uıymdar tarapynan qaýip seıilgen joq. Sodyrlar men olardyń jetekshileriniń baı tájirıbesi bar, qarjy jáne qarý-jaraqpen qamtamasyz etý jalǵasýda. Sondyqtan aımaqtaǵy jaǵdaıdy turaqty baqylaý jáne lańkestik qaýipke qarsy turý úshin tartylǵan memleketterdiń arnaıy qyzmetteriniń birlesken tynymsyz kúsh-jigeri qajet» dedi Naryshkın.
“Adyrna” ulttyq portaly
