Nur-Sultanda G-Park qurylys kompanııasynyń jetekshisi Ǵabıt Sátmaǵambetov kóp balaly analarǵa dóreki jaýap berdi, dep habarlaıdy “Adyrna” ulttyq portaly Orda.kz saıtyna silteme jasap.
«Mine, bizden taǵy bir depýtat qashyp ketti, qarańyzdar, qashyp ketti. Beri kel, sen depýtat emessiń be?!» dedi vıdeodaǵy áıel Sátmaǵambetovke.
Jaýap retinde ol áıelder nege aıǵaılap jatyr dep tań qaldy.
«Ketshi,eı! (Da ıdıte v zadnıý!)» dedi Sátmaǵambetov. Artynsha ol kópbalaly analarmen sózge kelisip qaldy.
«Halyq tańdaýynyń» bul áreketi jınalǵandardyń narazylyǵyn týdyrdy.
Keıin depýtat áıelderdiń jeke namysyna tıgenin aıtty.
«Men, Ǵabıt Satmaǵambetov, qaıyrymdylyq qorynyń ıesi retinde kóp balaly analarǵa kórsetiletin qaıyrymdylyq kómekti toqtatamyn. Maǵan degen osyndaı qarym-qatynastan keıin, barlyq istegen isterimnen keıin, mende kómekteskim kelmeıdi. Men úzilis jasaýdy sheshtim!» dep jazdy Sátmaǵambetov áleýmettik jelidegi paraqshasynda.
“Adyrna” ulttyq portaly
