Leńgir turǵyny 75 mıllıon teńge qaryz alyp qumar oıynǵa tikken. Bul týraly tengrinews.kzke silteme jasap "Adyrna" ulttyq portaly habarlaıdy.
Tóle bı APB-ǵa Leńgir qalasynyń turǵyny aryzdandy. Onyń aıtýynsha 30 jastaǵy uly úıinen belgisiz baǵytqa shyǵyp, qaıta oralmaǵan. Sondaı-aq anasynyń óz balasyn izdep júrgenine tórt táýlik bolǵan. Alaıda izdeý jumystarynan nátıje shyqpaǵan soń, polıeılerge habarlasqan.
Tóle bı APB qyzmetkerleri habarlama túse salysymen tez arada áreket etip, oqıǵa ornyna jetti. Joǵalǵan er-azamatty tabý maqsatynda qajetti dep tanylǵan barlyq jedel-izdestirý jumystaryn josparly túrde júrgizdi. Qala kóshelerin tekserip, fotosýretin kórsetý arqyly turǵyndar arasynda surastyrý jumystaryn jasady. Respýblıka kóleminde tártip saqshylaryna baǵyttamalar joldanyp, joǵalǵan jigittiń aıryqsha belgileri habarlandy. Jaqyndary men týystary, tanystary men barýy múmkin jerler muqııat tekserildi. Izdeý jumystaryna Jergilikti polıııa qyzmetiniń ýchaskelik polıııa, jedel ýákilder men patrýldik polıeıler jumyldyryldy.
Osylaısha, izdeý jumystaryna bir apta ýaqyt jumsaldy. Nátıjesinde, Túrkistan polıeıleri joǵalǵan jigitti Almaty qalasynda júrgen jerinen tapty.
Belgili bolǵandaı, tabylǵan jigit óziniń tanystarynan 75 mıllıon teńge qaryzǵa aqsha alyp, ony qumar oıynǵa jumsap jibergen. Ol óz sózinde qaryzǵa alǵan aqshalaryn qaıtara almaǵandyqtan, Almaty qalasyna qashyp ketýge májbúr bolǵanyn jetkizdi.
"Adyrna" ulttyq portaly
