Eks-senator, ekonomıst Ýálıhan Qaısarov suhbat berip, Qazaqstannyń ekonomıkalyq áleýeti jaıynda pikir bildirdi, dep habarlaıdy Orda.kz.
Nesıe týraly aıtqan ekonomıst «bankrot» dep tanylǵan halyqqa qarsy qandaı qylmystyq is qozǵalýy múmkin ekenin aıtyp berdi.
– Jeke tulǵa bankrot ekenin, nesıe tóleı almaıtynyn aıtsa, oǵan bankrottyq proedýrasyn engizýge bolady. Ol adam keıbir shekteýlerge tap bolady, 3 jyl shekaradan asýǵa bolmaıdy. 5 jyl ishinde eshbir nesıe alýǵa bolmaıdy. Bireýge kepil bola almaıdy, kepildik bere almaıdy. Bes jyl ishinde ol adamnyń ál-aýqaty jaqsarsa, bereshekti qaıtarýǵa mindetti bolady. 5 jyldan keıin baryp jaǵdaıy jaqsarsa, eshteńe qaıtarmaıdy, – dep túsindirdi ekonomıst.
Jýrnalıst «halyqtyń barlyq nesıesin keshire salsa bola ma?» dep surady.
– Halyqtyń nesıesin ekonomıkalyq turǵydan keshirýge bolady. Biraq ekonomıst retinde durys dep eseptemeımin. Mańdaı termen tapqan aqshasyn tólep, qutylǵandar bar. 12 paıyz adam tóleı almaı júr, 88 paıyz adam nesıesin tólep júr. Sonda tóleı almaı júrgen adamdardyń bereshekteri keshirilse, tólegen adamdar «beker tólegen ekenbiz ǵoı» dep ókinedi, – dep túsindirdi Qaısarov.
”Adyrna” ulttyq portaly
