QTJ Instant Payments-pen bıletterdi satý jónindegi shartyn merziminen buryn buzady, dep habarlaıdy "Adyrna" ulttyq portaly "Qazaqstan temir joly "UK"AQ baspasóz qyzmetine silteme jasap.
"Qazaqstan temir joly" UK" AQ men "Instant Payments" JShS jolaýshylar poıyzdaryna elektrondyq jol júrý qujattaryn rásimdeý men satýdy uıymdastyrý boıynsha qyzmetterdi satyp alý týraly shartty merziminen buryn buzý týraly ýaǵdalastyqqa qol jetkizdi", - delingen habarlamada.
Ulttyq kompanııa bul qyzmetterdi endi derbes usynady. Jol júrý qujattaryn rásimdeý BILET.RAILWAYS.KZ saıtynda ádettegi rejımde júrgiziledi, kassalarda jáne onlaın. Bul rette servıske qoljetimdilik naryqtyń barlyq qatysýshysyna ashyqtyq jáne aıqyndyq qaǵıdattarynda beriletini habarlandy.
Aıta keteıik, Instant Payments kompanııasy 2011 jyly quryldy. Onyń 2022 jylǵy qańtardaǵy quryltaıshylary – Álııa Nazarbaeva men Dıas Madıgojın. Búǵan deıin Nazarbaevtyń kishi qyzy "Qazaqtelekomnyń" árbir elektrondy temirjol bıleti men qyzmetinen aqsha tabatynyn jazǵan bolatynbyz.
"Adyrna" ulttyq portaly
