KTK telearnasynyń habarlaýynsha, qalpyna keltirýge shamamen 6 mıllıard teńge qajet, biraq bul aldyn ala berilgen soma ǵana. Qazir jumysshylar Taldyqorǵan qalasynyń bas ákimshilik ǵımaratyn qoqystan tazartyp jatyr, dep habarlaıdy "Adyrna" ulttyq portaly.
Tártip buzýshylar 5 qańtarda oblys ákimdiginiń ǵımaratyna shabýyl jasaǵan. Ákimshilikti basyp alý kezinde jumys ornynda qyzmetkerler bolmaǵan. Nátıjesinde ǵımarat órtke orandy.
Semeıde de qalalyq ákimdikke shabýyl jasaldy. Qylmyskerler 170-ten astam esikti buzyp, birinshi qabattaǵy barlyq terezeni, al ústińgi qabattaǵy 25 terezeni shaǵyp ketken», - delingen habarlamada.
Tonaýshylar seıfterdi ashyp, keıbir múlikti: kompıýterler, noýtbýktar, dybys jazý qurylǵylary men prınterlerdi urlap ketken. Alyp ketetinin alyp ketti, qalǵany synǵan kúıinde qalǵan. Barlyq bólmeniń qabyrǵalary qıraǵan.
Qazir ǵımarat qalpyna keltirilýde. Synǵan kireberis aımaqtary men terezeleri qalpyna keltirildi. Qazirgi ýaqytta árleý jumystary júrip jatyr, baılanys, órt jáne kúzet dabyldary, beınebaqylaý júıesi qalpyna keltirilýde. Jumystar naýryz aıynyń sońyna deıin aıaqtalady dep kútilýde. Olarǵa 200 mıllıon teńge qajet.
«Qaıǵyly qańtar» oqıǵasy kezinde Aqtóbede narazy top oblys ákimdiginiń ǵımaratyn basyp aldy. Jergilikti bılik búlingen múlikti kelesi aptadan bastap qalpyna keltirýdi josparlap otyr. Ázirge tek esikteri ǵana aýystyryldy.
Tarazda da oblys ákimdiginiń ǵımaratyn qalpyna keltirý jumystary qarqyndy júrgizilýde. Ishki bezendirý jumystarynyń jartysy ǵana aıaqtaldy. Kúrdeli jóndeýdiń jalpy somasy mıllıard teńgeden asady. Jergilikti turǵyndar jańartylǵan ákimdikti 1 naýryzda bir-aq kóredi.
– Qazirgi tańda 150 adam, 18 tehnıka jumys istep jatyr. Syrtta fasad bóligi, farfordan jasalǵan tastan jasalǵan buıymdar, jertóle bóliginde jóndeý jumystary júrgizildi. Ákim apparaty da solaı, - deıdi «Intellekt Azııa» JShS ýchaskesiniń meńgerýshisi Ismaıl Kópjasarov.
Eń kóp shyǵyn Almaty ákimdiginiń ǵımaratyna keltirilgen. Ózderińiz bilesizder, búlikshiler qala ákimdigin basyp alyp, keıin ony órtep jiberdi. Qazir ákimdiktiń tek órtengen qabyrǵalary ǵana qaldy.
Qańtar aıynyń sońynda Almaty bıligi ıfrlardy jarııalady: ǵımaratty qalpyna keltirý úshin 20 mıllıard teńge qajet. Telearnanyń habarlaýynsha, sheneýnikter ázirge qala ákimdigi ǵımaratyndaǵy jóndeý jumystarynyń barysy týraly eshqandaı aqparatpen bólispegen.
"Adyrna" ulttyq portaly
