Eki birdeı balasy aýtızm dertine shaldyqqan jalǵyzbasty ana dalada qaldy. Ata-anasy erekshe balalardy baǵýdan bas tartyp, úıden qýyp shyqqan. Kúıeýi qaıtys bolǵan áıeldi týǵan sińlisi de qaryzǵa batyryp, aldap ketken, dep habarlaıdy, ekonomıst-bloger Dáýlet Muqaev.
"Jetisaı basshylyǵynyń nazaryna! Jalǵyzbasty ana 2 múmkindigi shekteýli balasymen dalada qaldy. Dál qazirgi ýaqytta ash otyr.
Bul Úsenova Áıgerim. 2 múgedek aýtıst balany asyrap otyrǵan jalǵyzbasty ana. Jubaıy qaıtys bolǵan. Jetisaıdaǵy Ata-anasy úıdegi úlesin daý qylyp, erekshe balalardy baǵýdan bas tartyp qýyp shyqqan. Týǵan sińilisi 15 myń dollar kredıt alǵyzyp Astanadan býtık ashamyz, memleketten sýbsıdııa alyp berem balańdy emdetem dep aldap ketken. Múmkindigi shekteýli balany emdetem dep túrik azamatyna turmysqa shyǵyp Áıgerim Túrkııaǵa da barǵan. Ol jaqta dúnıege Rahıma esimdi qyzy dúnıege kelgen. Ol da Allanyń qalaýymen aýtızm dertine shaldyqqan. Buny kórgen túrik jigiti birden tastap kete salǵan", - dep túsindirdi Muqaev.
Áıgerimniń aıtýynsha, erekshe balasyna dep berilgen 10 sotyq jerdi turǵyn-úı kommýnaldyq sharýashylyǵy sheteldikterge satyp jibergen. "Ábden mazaq qylyp bitti" degen kelinshek janaıqaıyn kópshilikke jetkizdi.
"Dáýletten" qoǵamdyq qory Áıgerimge kómektesetinderin habarlady. Elden jıǵan aqshaǵa qor Áıgerimge baspana alyp bermek.
"Tún bolsa da, @dauletten_qory qamqorshylyq KEŃESIMEN jınalys ótkizip, sizderdiń pikirlerińizdi eskerip, 2 balasy aýtıst jalǵyzbasty anaǵa ShUǴYL SBOR JASAÝDY qolǵa aldyq. Saý bala keıde esti shyǵaryp, sóz tyńdamaı ketedi. Al em almaǵan aýtıst balalar bolsa sózdi de uqpaıtynyn jaqsy bilesizder. Ári bul balalar ár 30-40 mınýt saıyn aıqaılaı beredi eken", - dep jazdy Dáýlet Muqaev.
“Adyrna” ulttyq portaly
