Aqtóbede quny 800 mıllıon teńgege baǵalanǵan jobanyń arty daýǵa aınaldy. Qaladaǵy káriz sýy jınalatyn eski qoımadaǵy káriz shógindilerin paıdaǵa asyrý úshin jańa joba daıyndalǵan. Al nysan byltyr salynýy kerek bolǵan. Biraq memlekettik tenderdi utyp alǵan merdiger kompanııa josparlanǵan jerge tazartý qondyrǵysyn salý múmkin emes ekenin aıtyp, jobaǵa ózgertýler engizýin talap etti, dep habarlaıdy “Adyrna” ulttyq portaly 31-arnanyń
800 mln teńge: Qazaqstannyń bir óńirinde ekologııalyq apat oryn alýy múmkin
03.02.2022
2958
Merdiger kompanııa joba ózgermese, arty ekologııalyq apatqa ákelýi múmkin dep otyr. Biraq joba barlyq memlekettik saraptamadan ótti degen monopolıst kompanııa mindetti berilgen ýaqytta aıaqtamady dep merdigerdi sotqa bergen.
Qaladan shyǵatyn káriz sýy jalǵyz qoımada jınalady. Bul jerden sýdyń jalpy kóleminiń 90% qaıta tazaryp shyǵarylýy kerek. Alaıda jumys istep turǵanyna 72 jyl bolǵan júıeniń tozyǵy jetkendikten, sýdyń tek 50%-yn ǵana tazartýǵa qysymy jetedi eken. Sondyqtan qaladaǵy barlyq kóp qabatty turǵyn úı men mekemelerdi ystyq jáne sýyq sýmen qamtamasyz etip otyrǵan jalǵyz monopolıst kompanııa káriz sýlary shógindilerin paıdaǵa asyrý jobasyn daıyndap, tender jarııalaǵan.
Alaıda tenderdi utqan merdiger jobanyń smetalyq qujattary da, tazartý qondyrǵysy salynatyn jer de durys emes dep otyr.
"Jobada olqylyqtar bolǵan soń biz ony qaıta qaraýdy suradyq. Onyń ústine keshen salynatyn jerdiń topyraǵyna geologııalyq saraptama jasalmaǵan. Tapsyrys berýshimen tehnıkalyq jınalystar da ótkizdik. Olar basynda biz aıtqan ózgertýlerge ruqsat bergenimen, keıin memlekettik saraptama quptamady dep jaýap berdi. Sosyn bizge qurylysty eski jobamen jalǵastyrýymyz keregin aıtty. Ol joba durys bolmaǵandyqtan, biz ózimizge úlken jaýapkershilik alǵymyz kelgen joq. Óıtkeni munyń arty ekologııalyq apatqa ákelýi múmkin", - deıdi "Aqtóbe Nefte Gaz Stroı" JShS dırektorynyń orynbasary Nurbolat Ámirov.
Tapsyrys bergen kompanııa merdiger kompanııa qurylysty bes aıdyń ishinde aıaqtaýǵa mindetteldi deıdi. Biraq keıin taǵy qosymsha kelisim shart jasalsa da, óz mindetterin atqarmady dep sotqa bergen. Sózderinshe, barlyq memlekettik saraptamalardan ótken jobada esh oqylyq joq.
"Birneshe ret bizdiń tarapymyzdan, tehqadaǵalaý, avtorlyq qadaǵalaý tarapynan berilgen nusqaýlardy oryndamady. Sondyqtan biz memlekettik satyp alý zańyna sáıkes sot oryndaryna shaǵymdanýǵa májbúr boldyq. Sot nátıjesinde osy merdiger kompanııa "memlekettik satyp alýlardyń yqylassyz qatysýshysy" bolyp tanylyp, sot sheshimi shyqty", - dep málimdedi "Aqtobe su-energy group" AQ zań bólimi basshysynyń orynbasary Talǵat Súıinshalın.
Sot sheshimimen múldem kelispeımiz degen merdigerler jobanyń qaıta qaralýyn talap etip otyr. Ári sotqa apellıaııalyq shaǵym túsirmek. Degenmen monopolıst kompanııa jobanyń qaıta qaralmaıtynyn, biraq memlekettik konkýrstyń qaıta ótetinin jetkizdi.
“Adyrna” ulttyq portaly
Басқалармен бөлісе отырыңыз
Pikirler
