Qazaqstanda árbir onynshy bala az qamtylǵan otbasynda turyp jatyr. Qazaqstan Respýblıkasy parlamenti májilisiniń áleýmettik-mádenı damý komıtetiniń múshesi, "Qamqorlyq" qorynyń jetekshisi Dınara Zákıeva AÁK-ti ár balaǵa kúnkóris mınımýmyna deıin arttyrýdy usyndy, dep habarlaıdy “Adyrna” ulttyq portaly Informbıýro jańalyqtar qyzmetine silteme jasap.
"Keminde 625 myń, demek árbir onynshy bala, az qamtylǵan otbasynda turyp jatyr. Mundaı otbasyny qoldaýdyń bir túri – ataýly áleýmettik kómek, ıaǵnı AÁK. Alaıda onyń mólsheri tipti qarapaıym qajettilikterdi qamtamasyz etýge jetpeıdi. Mysaly, jan basyna shaqqandaǵy tabysy kedeılik sheginen tómen 6 adamnan turatyn otbasyna beriletin AÁK 7 myń teńgedeı ǵana", – dedi Dınara Zákıeva.
Ári qaraı ol kómekke muqtaj balany nemese otbasyn ózdiginen anyqtap, kómek kórsetýdiń ornyna, jumys tek kelip túsken ótinishpen júrgizilip jatqanyn aıtty. Buǵan dálel – keńestiń ózi, óńirlerdi aralaý barysynda az ýaqyt ishinde memlekettik baǵdarlamalar týraly múldem estimegen, qandaı quqyqtarynyń bar ekendigin bilmeıtin, qujattary joq bolǵan soń qarapaıym qyzmetter men kómek túrlerin ala almaı júrgen 200-den astam otbasy.
"Eshqashan mektepke barmaǵan 10-13 jastaǵy, aýrýy baryna qaramastan, týǵannan beri eshqandaı medıınalyq tekserýden ótpegen balalardy kórdik. Bul otbasylar týraly ýchaskelik polıeıler ákimdikterdi habardar etse de, olar adam shoshyrlyq jaǵdaıda ómir súrýlerin jalǵastyrǵan. Búginde 1 mln 145 myń otbasy daǵdarys jaǵdaıynda, al qolaısyz jaǵdaıda dep esepte turǵan otbasylarda 12 myń bala tárbıelenip jatyr. Nátıjesinde, áleýmettik máselelerdiń sheshilmeýi kóbinese bala quqyqtarynyń buzylýy men qaıǵyly saldarlarǵa, ıaǵnı onyń balalar úıine túsýine jáne zorlyq-zombylyqqa ákep soǵady. Ótken jyly 2 888 balaǵa qarsy qylmys jasalǵan. Demek, kúnine 6 bala", – dep jazdy Dınara Zákıeva.
Osy oraıda, ol ókiletti organdardyń balalar jylyna arnalǵan is-sharalar josparyn ázirlep jatqanyn aıtyp, kelesi tarmaqtardy qosýdy usyndy:
- Turmysy tómen otbasylardyń balalaryn qoldaýdyń tıimdiligin arttyrý úshin AÁK-ti ár balaǵa kúnkóris mınımýmyna deıin arttyrý. Iaǵnı 1 balaǵa – 36 myń teńge. Bul úshin qosymsha 225 mlrd teńge kerek.
- Eldimekenderde otbasyna keshendi túrde kómektesý jáne bala quqyqtary buzylýynyń aldyn alý jónindegi ókiletti organdar arasynda jumysty úılestirip otyratyn jáne tıimdi ózara is-qımyldy qamtamasyz etetin otbasy, jastar jáne balalar isteri jónindegi derbes basqarma qurý. Tájirıbe kórsetkendeı, kómek der kezinde kórsetilse, otbasy men balany qıyn ómirlik jaǵdaıdan shyǵarý ábden múmkin. Muny keńes bastamasymen qurylǵan, quramyna ákimdik ókilderi de kiretin jedel áreket etý toptary jumysynyń nátıjesi rastaıdy. Máselen,byltyrdyń ózinde olar kómekke muqtaj 17 myń otbasyn anyqtap, olarǵa keshendi túrde kómek kórsetti. 10 myń adamdy jumysqa ornalastyrdy, qujat, járdemaqy jáne turǵyn úı alýǵa járdemdesti.
- Strategııalyq qujattarda kórsetilgen otbasy ınstıtýtyn nyǵaıtý, otbasylyq qolaısyzdyqtyń, turmystyq zorlyq-zombylyqtyń jáne balalarǵa qatygez qaraýdyń aldyn alý jónindegi nysanaly ındıkatorlardy óńirlerdiń aýmaqty damytý josparlaryna engizý.
”Adyrna” ulttyq portaly
