16 mln qazaqstandyqtyń basynda kredıt bar

2003
Adyrna.kz Telegram

Nesıe tarıhynyń derekter bazasyna sáıkes, úsh mıllıonǵa jýyq qazaqstandyq bankterge qaryz emes ekeni belgili boldy, - dep habarlaıdy ”Adyrna” ulttyq portaly "Habar 24-ke”silteme jasaı otyryp.

Birinshi kredıttik bıýroda qazaqstandyqtardyń qaryzy týraly, onyń ishinde lombardtar men mıkroqarjy uıymdarynan alynǵan qaryz boıynsha barlyq aqparat saqtalady.

Máselen, byltyr bıýro bólshek qaryz ósip jatqanyn (shamamen 43 paıyz) tirkedi. Qazaqstandyqtar taýardy da kóbirek ala bastaǵan. Tutynýshylyq qaryz somasy bes trıllıon teńgeden asady.

Sonymen qatar, bıýro málimetinshe, jalpy portfeldegi ıpotekaǵa 3 trıllıon teńgeden asa qarjy tıesili. Avtonesıeleý trıllıon teńgeden asady. Byltyr 65 paıyzdan asa qazaqstandyq avtokólikterdi paıyzben alǵan. Bul rette 3 mıllıonǵa jýyq qazaqstandyq bankterge qaryz emes.

"Nesıelerdi orta eseppen bir jylǵa deıin alady. Bul soma az bolsa da, bólip tóleý sanyn arttyrdy. Ortasha tutynýshylyq qaryz 300 myń teńgeden sál asady. Qazaqstandyqtar nesıe alsa, ony qalaı qaıtarý kerek ekenin túsinýi tıis", - dedi Almaty birinshi kredıttik bıýrosynyń atqarýshy dırektory Ásem Nurǵalıeva.

Nashar nesıe tarıhy

Nashar nesıe tarıhyn tolyq joıý máselesine baılanysty kompanııa qyzmetkeri Qazaqstanda mundaı mehanızm joq ekenin túsindirdi. Uıym klıenttiń tarıhyna qandaı da bir ózgerister engizýge quqysy joq ekeni aıtyldy. Qate aqparat bolsa, derekter óz júıelerindegi qateni bank túzetken kezde jańartylady.

Sonymen qatar, qazaqstandyqtardyń nashar nesıe tarıhyn jaqsartýdyń birneshe nusqasy bar. Birinshisi - jańa qaryz alǵan kezde bankke tek keıingi bes jyl ishindegi nesıe tarıhyn berý. Bul jaǵdaıda osy ýaqytqa deıin bolǵan jaǵdaılar bankterde kórinbeıdi.

"Qalpyna keltirý" mártebesi

Ekinshi nusqa - nesıe kelisimsharttaryn qalpyna keltirý. Birinshi kredıttik bıýronyń atqarýshy dırektory Ásem Nurǵalıevanyń aıtýynsha, azamattar bank aldyndaǵy qaryzyn 90 kúnnen asa keshiktirip tólegennen keıin, ol 12 aı kútedi. Osy ýaqyt ishinde basqa nesıeler keshiktirilmeýi kerek. Mundaı jaǵdaıda kelisimshart "qalpyna keltirilgen" degen mártebege ıe bolady. Bul rette banktiń qaryz berýden bas tartýǵa quqyǵy bar.

"Mundaı mártebe nesıe alýǵa kepildik bermeıdi. Onyń bári bank saıasatyna baılanysty. Bir bank táýekelge bara alady. Bireý, kerisinshe, tek sapaly klıentterdi alǵysy keledi. Búgin maǵan Facebook-te "qaryz keshiktirip jabylsa da, memlekettik baǵdarlama boıynsha nege nesıe ala almaımyn" degen suraq qoıyldy. Memlekettik baǵdarlamalardyń sharttary odan da qatań. Onda keıingi eki jylda 180 nemese 90 kúnnen artyq eshqandaı kidiris bolmaýy tıis", - dep túsindirdi Nurǵalıeva.

“Adyrna” ulttyq portaly

Pikirler