Ekologııa, geologııa jáne tabıǵı resýrstar mınıstri Serikqalı Brekeshev kádege jaratý tólemi mólsherlemesi halyqpen kelisilgennen keıin bekitiletinin aıtty, - dep habarlaıdy “Adyrna” ulttyq portaly.
Mınıstr kádege jaratý alymyn retteý fýnkııalary "Jasyl damýǵa" berilgenin eske saldy. "ÓKM Operatory" JShS óz qyzmetin toqtatyp, barlyq aktıvi memlekettik kompanııaǵa berilgen.
"Kádege jaratý alymynyń mólsherlemesin qaıta qaraý boıynsha jumys jalǵasyp jatyr. Men úsh-tórt jumys tobyn jeke avtokólik quraldary, aýyl sharýashylyǵy tehnıkasy, kabel-ótkizgish ónimderi, qaptama jáne t.b. boıynsha ótkizdim.
Búginde kabel-ótkizgish ónimderi boıynsha kádege jaratý alymynyń mólsherlemesi nól bolady degen sheshim qabyldandy. Aldymen kabel-ótkizgish ónimderi (KÓÓ) boıynsha tólemderdi qabyldaý kúnin 2023 jylǵy 1 qańtarǵa deıin aýystyrýdy josparladyq, biraq sodan keıin KÓÓ boıynsha tólemniń nóldik mólsherlemesin alý týraly sheshim qabyldandy, ol merzimsiz bolady. KÓÓ boıynsha kádege jaratý alymy tólenbeıdi", - dedi Brekeshev.
Mınıstr "Jasyl damý" AQ mindettemeleri keńeıgenin jáne ol tolyq jumys isteıtinin aıtty.
"Qazir tergeý sharalary júrip, qujattar men júıe ótkizilip jatyr. Ol júıe demalys kúni ǵana qosyldy, mamandar jumys istep jatyr. Dúısenbiden bastap ol qalypty rejımde jumys isteıdi.
Kádege jaratý tólemderi qabyldanady, mınıstrlikte zań blogy, ıfrlyq tehnologııalar, bıýdjettik josparlaý departamenti ókilderinen komıssııa quryldy. Olar qazir jumys istep jatyr jáne "ÓKM Operatorynyń" qyzmetine sáıkes aqsha qarajatynyń barlyq túsimi men shyǵystaryn qaraıdy", - dedi ol.
Brekeshovtyń aıtýynsha, "Jasyl damý" shottarynda shamamen 220 mıllıard teńge bar.
"Bir bóligi ulttyq valıýtada, bir bóligi dollarda. Jumys júrgizilip jatyr, jaqyn arada biz avtokólikter men aýyl sharýashylyǵy tehnıkasy boıynsha kádege jaratý alymynyń mólsherlemesin bekitemiz", - dep sendirdi Brekeshev.
”Adyrna” ulttyq portaly
Басқалармен бөлісе отырыңыз
