Nūrsūltan Nazarbaev «Nur Otan» partiiasynyŋ kezekten tys XXI sezıne qatysty

Jiynda Elbasy «Nur Otan» partiiasy elımızdegı basty saiasi küş ekenın atap öttı. – Partiia ärdaiym tūtas qoǧamnyŋ müddesın qorǧap, Täuelsızdıgımız ben memlekettılıgımızdı saqtauǧa atsalysyp keldı. Bız zor tabystarǧa bırge qol jetkızdık. Eŋ bastysy Qazaqstannyŋ odan ärı damuyna berık negız qalandy. Osy jüielı jūmysty jalǧastyru maŋyzdy, – dedı Qazaqstannyŋ Tūŋǧyş Prezidentı. Nūrsūltan Nazarbaev sezdıŋ tarihi mänıne toqtalyp, Qasym-Jomart Toqaevty «Nur Otan» partiiasynyŋ Töraǧasy etıp sailau turaly ūsynysyn partiialastary qoldaitynyna senım bıldırdı. – Keiıngı bır jarym jyl ışınde partiia jüielı türde qaita jaŋǧyrdy. Ony tolyq basqarudy qazırgı Memleket basşysy Qasym-Jomart Kemelūly Toqaevqa tapsyru būl prosestıŋ soŋǧy kezeŋı dep sanaimyn. Partiiadan prezident sailauyna ūsynylǧan jäne qoldauyna ie bolǧan adam ony basqaruǧa tiıs. Bügınde Qazaqstan Prezidentınıŋ basşylyǧymen maŋyzdy äleumettık-ekonomikalyq jäne saiasi reformalar jüzege asuda. Barlyq qajettı resursy bar «Nur Otan» partiiasy olardy oryndau barysynda  senımdı tırek boluy kerek, – dedı Elbasy. Qazaqstannyŋ Tūŋǧyş Prezidentı jūrtşylyq jan-jaqty qoldaǧanda ǧana el täuelsızdıgın nyǧaituǧa baǧyttalǧan auqymdy reformalardan maŋyzdy nätijeler bolatynyn aitty. –   El bırlıgı, tynyştyq, tūraqtylyq pen kelısım barda ūly maqsattarǧa jetuge bolatynyn ärdaiym aityp kelemın. Bızdıŋ otyz jyldaǧy täjıribemız osyny aiqyn körsettı. Bügınde Täuelsızdıktıŋ törtınşı onjyldyǧyna qadam basyp otyrmyz. Būl – jahandyq özgerıster, kürdelı ärı jauapty şeşımder kezeŋı. Qazaqstan jaŋa däuırdıŋ barlyq synaǧynan sürınbei ötetınıne senımdımın. Aiqyn maqsattar, saiasi erık-jıger, eŋ bastysy halyqtyŋ qoldauy sonyŋ kepılı bolmaq, – dedı Nūrsūltan Nazarbaev