Elimizde baspana kezeginde turǵan 590 myń adamnyń 210 myńy áleýmettik sanatqa jatady. Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev osyndaı derek keltirdi.
«Búgingi kúni elimizde shamamen 590 myń adam kezekte tur, sonyń ishinde 210 myń adam halyqtyń áleýmettik jaǵynan osal tobyna jatady.
Bul kóp balaly otbasylar, 1 jáne 2 toptaǵy múgedekter, jetim balalar, múgedek balalary bar otbasylar.
Sonyń ishinde Eńbek mınıstrligi bazasynyń derekterine sáıkes tabysy eń tómengi kúnkóris deńgeıinen tómen shamamen 70 myń azamat qysqa merzim ishinde turǵyn úımen qamtamasyz etilýi tıis», - dedi mınıstr.
Jaldaý aqysy mynadaı tártippen sýbsıdııalanbaq:
- 50 % memlekettik sýbsıdııalar esebinen jabylady;
- qalǵan 50 % alýshy óz betinshe tóleıdi.
«70 myń azamatqa qoldaý kórsetý úshin 50 mlrd teńge qajet, bul rette kórsetilgen qarajat jyl saıyn kezekte turǵan adamdar sanyna baılanysty ózgerýi múmkin», - dedi vedomstvo basshysy.
"Adyrna" ulttyq portaly
