Mańǵystaý oblysyndaǵy «Ózen» ken ornynda qosymsha barlaý jolymen jańa munaı shoǵyrlary tabyldy, dep habarlaıdy «Adyrna» tilshisi.
Nátıjesinde alynatyn munaı qorynyń ósimi 39,9 mln tonnany qurady.
Kómirsýtekter qorynyń ósýi kompanııanyń ekonomıkalyq kórsetkishterine aıtarlyqtaı áser etedi.
«2017 jyly «QazMunaıGaz» UK» AQ, «Ózenmunaıgaz» AQ, «QMG Injınırıng» JShS geologtar toby «Ózen» ken ornyn qosymsha barlaý boıynsha egjeı-tegjeıli baǵdarlamaǵa bastamashylyq etti. Osy baǵdarlama aıasynda 2017-2021 jyldar aralyǵynda 3D seısmıkalyq barlaý júrgizilip, geologııalyq tujyrymdama qaıta qaraldy jáne geologııalyq 3D modeli quryldy. Júrgizilgen jumystardyń nátıjesi boıynsha ken ornynyń qurylymy naqtylanyp, jańa munaı ken oryndary ashyldy. Sondaı-aq, «Ózen» ken ornyndaǵy munaı qory 8%-ǵa ósti, bul sandyq mánde alynatyn qordyń 39,9 mln tonnasyn quraıdy»,– delingen habarlamada.
