Qyrǵyzstan men Tájikstan arasyndaǵy saıası ahýal týraly Parlament Májilisiniń depýtaty Aıdos Sarym pikir bildirdi, dep habarlaıdy «Adyrna» tilshisi baq.kz-ke silteme jasap.
Eki el arasyndaǵy shıelenisýdiń basty sebebi - shekara máselesiniń anyqtalmaǵandyǵy. Qyrǵyzstan men Tájikstan elderi arasynda kóptegen shekara ýchaskeleri qanshama jyl ótse de bir kelisimge kelmegen. Sondaı-aq bir memleket ishinde ekinshi eldiń azamattarynyń bolýy. Eki eldiń ishinde de qyrǵyz ne tájik azamattary bar, olardyń óz memleketimen qarym-qatynasy, turaqty jumys oryndary bar, bul aınalyp kelgende saıası problemaǵa aınaldy, - dedi saıasattanýshy.
Aıdos Sarymnyń atap ótýinshe, Qyzǵyzstan men Tájikstan arasyndaǵy ýshyqqan máseleniń biri - sý problemasy.
Bul elderde sý máselesiniń bary bárimizge málim. Onyń turaqty sheshilmeýi osyndaı konflıktke ákelip otyr. Meniń oıymsha, buǵan túbegeıli sheshim qajet. Jáne qazirgi tańda eshbir eldiń saıası elıtasy eki el arasyndaǵy máseleni sheshýde belsendiligi joq. Sol sebepti mańaıyndaǵy memleketterdiń qandaı da óte kúrdeli sheshimge barýǵa qulqyny joq. Eshbir el myna eldiń jaǵdaıyn ymyraǵa keltireıik deıtin múmkindigi bolmaı otyr, - dedi Aıdos Sarym.
Sarapshynyń sózinshe, eger saıası qaqtyǵys jalǵasa beretin bolsa saldary Qazaqstanǵa da tııýi múmkin.
Eki eldiń ishinde de patrıottary men basshylary bar. Osydan paıda kórip júrgen krımınaldy toptar da bolýy múmkin. Bul shıelenisý erte me, kesh pe uzaqmerzimdi áskerı qaqtyǵysqa aparýy da ǵajap emes. Osyǵan deıinginiń bárin janjal dep keldik. Alaıda bolashaqta úlken soǵysqa da barýy múmkin. Qazir kez kelgen formatty paıdalanyp, eki eldiń arasyndaǵy máseleni túbegeıli sheshýge kúsh salý kerek. Qyrǵyzstan men Tájikstannyń elıtalaryn naqty saıası ymyraǵa shaqyrý qajet. Biz jaǵdaıdyń bir kúnniń ishinde ózgere salatynyn baıqap otyrmyz, - dedi Parlament Májilisiniń depýtaty.
«Adyrna» ulttyq portaly
