27 qańtarda keshki ýaqytta qyrǵyz-tájik shekarasyndaǵy jaǵdaı kúrt nasharlady, - dep habarlaıdy “Adyrna” ulttyq portaly Tengrinews.kz saıtyna silteme jasap.
Qyrǵyzstan UQK Shekara qyzmetiniń málimetinshe, beısenbide saǵat 17:30 - dan 18:00-ge deıin Tájikstan shekarashylary Batken aýdany Tórt-Kocho eldi mekenindegi Batken-Isfan avtojolynyń bóligindegi jol ýchaskesin birjaqty tártippen jaýyp tastaǵan.
"Qyrǵyz Respýblıkasy men Tájikstan shekara ókilderi arasynda júrgizilgen kelissózderdiń qorytyndysy boıynsha jol ýchaskesi qaıta ashyldy. Alaıda, saǵat 19:35-te Tájikstan tarapy Batken aýdanynyń Chyr-Dobo eldi mekenindegi shekara bólimsheleri boıynsha qarý qoldanýǵa baılanysty jaǵdaı nasharlady", - dep habarlady UQK baspasóz qyzmeti.
Qyrǵyzstan men Tájikstan shekara áskerleriniń bólimsheleri arasyndaǵy negizgi atys Tórt-Kocho jáne Chyr-Dobo eldi mekenderinde ótip jatqany aıtylady. "Tájik tarapy mınometter men granatometterdi paıdalanyp jatyr", - dep atap ótti vedomstvodaǵylar.
Turmush málimetteri boıynsha, qyrǵyz-tájik shekarasyndaǵy qaqtyǵys aımaǵynan turǵyndardy evakýaııalaý bastalǵan. Shekara mańyndaǵy turǵyndardyń birinshi toby prezıdenttiń Batken oblysyndaǵy ókiletti ókildiginiń ǵımaratyna jetkizilgen. Jergilikti bılik evakýaııalanǵan adamdarǵa úı-jaılardy daıyndap jatyr.
“Adyrna” ulttyq portaly