Endı Qazaqstanda zeinet jasyna jaqyndaǧandardy jūmysqa qabyldaǧan mekemelerge subsidiia tölenedı, dep habarlaidy "Adyrna" ūlttyq portaly "Qazaqstan" arnasyna sılteme jasap.
Būl baǧytta "Kümıs jas" respublikalyq jobasy ıske qosylmaq. Baǧdarlamany Qaraǧandy oblysy bastaidy. Biylǧa jospar – 534 adam.Aǧa buyn ökılderıne jūmysqa qaita ornalasu öte qiyn. Jaŋa joba osyndai sanattaǧy adamdarǧa zeinetke şyqqanǧa deiın tūraqty jūmys tabuǧa kömektesedı. Olardy qabyldauǧa niet bıldırgen jūmys beruşınıŋ jalaqysy subsidiialanady. Ai saiyn memleket tarapynan 30 AEK kölemınde aqşa tölenedı. Būl 91 890 teŋge. Jūmys ızdeuşı retınde tırkelu üşın jūmyspen qamtu ortalyqtaryna nemese "Enbek" elektrondyq eŋbek birjasyna jügınu qajet.
"Adyrna" ūlttyq portaly.
