Semeıde qalalyq máslıhattyń úsh ókili depýtattyq ókilettigin toqtatqandaryn málimdedi, dep habarlaıdy "Adyrna" ulttyq portaly Arnapress.kz saıtyna silteme jasap.
Depýtattar Qaırat Smaǵulov, Dýlat Qajmuhanbet jáne Aıdos Qusaıynov óz sheshimi týraly Áleýmettik jelilerde habarlap, "kóńili qalǵanyn"túsindirdi.
Aıdos Qısamenovtyń aıtýynsha, máslıhat pen partııadan ketý týraly sheshimi burynnan oıynda júrgen.
Depýtattyq jumystyń ótken jylyn taldasam, men jasaǵan jumysyma múldem qanaǵattanbadym. Maqsat boldy, biraq nátıje bolmady!"- dep jazdy Kısamenov.
"Osy oqıǵalar bastalǵan sátten bastap, sońyna deıin biz ne oryn alǵany týraly ashyq talqylamadyq. Men depýtattyq ınstıtýtqa qatty renjidim. Osyndaı mańyzdy sátte partııa fılıalynyń áreketsizdiginen kóńilim qaldy"- dep atap ótti ol.
Dýlat Qajmuhanbet te partııa fılıaly men basshylyqtyń jumysyna kóńili tolmaıtynyn bildirip, quqyǵyn buzýǵa shaǵymdandy.
"Adamdar ótirik pen ekijúzdilikten sharshady! Búgin óz aýdanyma bastaýysh partııa uıymynyń jınalysyn ótkizip, qabyldaǵan sheshimim týraly habardar ettim. Tańqalǵanym, bastaýysh partııa uıymynyń músheleri oń qabyldap qana qoımaı, meni qoldap, maǵan barýǵa nıet bildirdi.
Depýtattyq ınstıtýttan, múshe bolǵan partııadan kóńil qaldy. Shyǵatynym týraly jarııalap, depýtattyq ókilettigimdi doǵaramyn!"- dep jazdy Qajmuhanbet.
Úshinshi depýtat - Qaırat Smaǵulov ta máslıhattan shyqty.
"Semeı qalalyq máslıhat depýtatynyń ókilettigin toqtatý týraly ótinish jazdym. Saıası ózgeristersiz eldiń tıimdi ekonomıkalyq damýy múmkin emes dep esepteımin", - dedi ol.
“Adyrna” ulttyq portaly
