Ishki ister mınıstrligi qańtardaǵy tártipsizdikterge qatysty degen kúdikpen qamaýda otyrǵan almatylyq muǵalim Órken Erzattyń týystarynyń aryzyn qarap jatyr. Bul týraly “Adyrna” ulttyq portaoy Almaty.tv arnasyna silteme jasap habarlaıdy.
Arna málimetinshe, kolledjdiń 22 jastaǵy oqytýshysy 11 kúnnen beri ÝUI-da jatyr. Er adam tártipsizdikterge qatysty degen kúdikke ilingen. Alaıda jigittiń týystarynyń aıtýynsha, ony qatelesip ustaǵan.
"Men onyń mıtıngige qatysqanyna senbeımin, ony jaqsy bilemin. Onyń tabıǵatynda mundaı joq. Ol óte tynysh jáne tuıyq, aqkóńil adam. Ony aman-esen qaıtarýyn talap etemin", - dep jylaıdy oqytýshynyń anasy Kúlmarııa Nurahymbek.
5 qańtarda Órken týystaryna barýdy josparlaǵan. Biraq avtobýstar júrmeı, kólikter bolmaǵan. Internet jumys istemeı, al aqshasy tek mabıldi qosymshada bolǵan. Er adam ózine qaýip tóndire otyryp, bankomatty paıdalanýdy uıǵarǵan, biraq sol kezde aıaǵynan oq jaraqatyn alǵan, deıdi er adamnyń týystary.
Jaralanǵan Órken aýrýhanaǵa jetkizilip, ota jasalǵan. Ony týystary aýrýhanadan alyp ketken. Kóp uzamaı artynan polıııa kelgen.
"13-i kúni polıııa keldi, inimdi alyp ketti, bir-eki saǵat dedi, biraq qazir 11 kún ótti. Jaǵdaıy týraly aqparat joq, qatty ýaıymdap otyrmyz. Anam únemi jylaıdy. 25-i kúni advokatpen baryp, inimmen kezdesýimiz kerek. Baıǵus inimdi uryp-soǵyp jatqanyna senimdimin", - deıdi er adamnyń ápkesi Ardaq Erzat.
Qazir bul is qalalyq prokýratýra baqylaýynda. Al, Ishki ister mınıstrligi mundaı árbir is jeke qaralatynyn málimdedi. Tártip saqshylarynyń kinási dáleldense, qylmystyq jaýapkershilikke tartylatyny aıtyldy.
"Ishki ister mınıstrligi azamattarǵa qatysty kúsh qoldaný derekterine qatań áreket etedi. Árbir fakt polıııa ǵımarattary men qoǵamdyq oryndarda ornatylǵan beınekameralardy taldaý arqyly muqııat zerdelenedi", - dedi vedomstvonyń resmı ókili Nurdildá Oraz.
“Adyrna” ulttyq portaly
