«Otbasy banki» 51 mlrd teńge kóleminde memlekettik bıýdjetten qaryzǵa alǵysy keledi, dep habarlaıdy "Adyrna" ulttyq portaly "kaztag.kz"-ke silteme jasap.
"Bıýdjettik kredıt qaryz alýshyǵa "2022-2024 jyldarǵa arnalǵan respýblıkalyq bıýdjet týraly" 2021 jylǵy 2 jeltoqsandaǵy Qazaqstan Respýblıkasynyń Zańynda kózdelgen 231 Bıýdjettik kredıt berý bıýdjettik baǵdarlamasy boıynsha 51 mlrd teńge somasynda beriledi. Qazaqstannyń turǵyn úı qurylys jınaq banki AQ aldyn ala jáne aralyq turǵyn úı zaemdaryn berý úshin", - delingen "Otbasy banki" Turǵyn úı qurylys jınaq banki" AQ-na bıýdjettik kredıt berýdiń negizgi sharttarynyń jobasynda.
Nesıe 25 jyl merzimge jyldyq 0,01%-dan 22 jyl damý merzimimen beriledi dep josparlanýda.
"Bıýdjettik kredıtti berýdiń maqsaty — jergilikti atqarýshy organdardyń kezekte turǵan az qamtylǵan otbasylaryna "Baqytty otbasy" baǵdarlamasyna sáıkes sanattar boıynsha jyldyq 2% syıaqy mólsherlemesi boıynsha aldyn ala jáne aralyq turǵyn úı zaemdaryn berý, — delingen qujatta.
"Adyrna" ulttyq portaly.
