Kádege jaratý alymy máselesi boıynsha jumys tobynyń alǵashqy otyrysy ótti. Jıynda aýyl sharýashylyǵyna qajetti tehnıka shyǵaratyn kompanııalar men avtosalondar ýtılızaııalyq jınaqty almaý kerek ekenin málimdedi. Olar memleket baqylaýyna ótken soń da, burynǵy tártip boıynsha jumys isteýge shaqyrady. Al qoǵam belsendileri ýtıldik alymdy qaldyrýdy qalaıtyn top suraqtarǵa mardymdy jaýap bermegenin aıtady, dep habarlaıdy "Adyrna" ulttyq portaly 31-arnaǵa silteme jasap.
Alǵashqy jıynda avtosalondar men qarapaıym halyqtyń sózin sóılegender arasyndaǵy qyzý talqy ótti. Jıynǵa kóbine ýtıl alymdy ózgerissiz qaldyrýǵa nıetti adamdardy qosty degen Nuraddın Sadyqov kásipkerler qaltasyn oılap, halyqtyń múddesin ysyryp tastady deıdi.
"Brekeshev bastaǵan mınıstrliktiń búgingi áreketine qarap baǵa berip otyrǵanymyz. Bul qazirgi tańda olıgarhtar tarapyna basymdyq bergisi kelip otyrǵan syńaı tanytty. Bul óte alańdatarlyq másele", – deıdi "Ýtıl alymǵa jol joq" qozǵalysynyń belsendisi Nuraddın Sadyqov.
Al qazynaǵa jylyna mıllıardtap salyq tólep otyrmyz degen avtosalondar ýtıl alymyn joıýǵa, tipti mólsherlemesin tómendetýge múlde qarsy eken. Elde ýtılızaııalyq alym tómendetilse, shetel kólikteri kóptep kirgizilip, ekologııaǵa da keri áserin tıgizedi deıdi.
"Ýtılızaııalyq alymdy joıýǵa biz qarsymyz. Onyń koeffııentin azaıtqannan paıda joq. Biz tólep jatqan salyqty memlekettik baǵdarlamaǵa qoldana berińizder. Biraq ýtıl alymdy ózgerissiz qaldyrýlaryńyzdy suraımyz", – dedi avtosalon ókili Rýslan Kamzın.
Eki saǵatqa sozylǵan onlaın jıynda taraptar bir mámilege kele almady. Endi aldaǵy seısenbige deıin jumys tobynyń músheleri ekologııa mınıstrligine óz usynystaryn joldaý kerek. Ekinshi otyrys qashan bolatyny ázirge belgisiz.
Aıta keteıik, buǵan deıin qazaqstandyq kólik júrgizýshileri ýtıl alymynyń 100 myń teńgeden aspaý keregin aıtyp, Prezıdentke petıııa joldaǵan edi.
"Adyrna" ulttyq portaly.
