Qyzylorda oblysynda kópbalaly analar men múgedek balalar máselesin kóterip júrgen belsendini eki aıǵa sotqa deıin qamaýǵa alǵan dep habarlaıdy "Adyrna" ulttyq portaly.
Zarına Bıbasarovanyń kúıeýi Nurlan Matenov ol týraly bylaı deıdi:
"Men Qyzylorda qalasynyń turǵynymyn. Áıelimdi 4, 5 qańtar kúni mıtıngige shyqty dep, 2 aı sotqa deıin qamaýǵa aldy. 7 balamyz bar. 6-balam (5 jasar) júregi aýyrady, múgedektigi bar. Kishkentaıym 7 aılyq emshek emedi. Oblystyq sot emsheginen sút aǵyp turǵanyna qaramaı, áıelimdi 7 balasynan aıyryp, qamap otyr".
Al ol týraly belsendi Jamıla Qasymhan óz paraqshasynda bylaı dep jazdy:
"Ákim orynbasary Ystyqbaev Talǵat "kel, aqyldasatyn sharýa bar dep", 5 qańtar kúni Zarına Bıbasarovany ákimdikke shaqyrǵan. Zarına Bıbasarova kópbalaly analar men múgedek balalar máselesin kóterip júrgen qalalyq belsendi. Ákimshilikke kelgen kezinde ony qaraýyl ákimshilik ǵımaratyna ótkizbeıdi. Zarına ózin shaqyrǵanyn aıtyp kirgizýdi talap etedi. Solaı turǵanda mıtıngishiler kelip, qaqpany kúshtep ashyp kiredi.Zarına sodan keıin qaıtyp ketedi. Ketip bara jatyp Ystyqbaev Talǵatqa tártipsizdik týraly telefonmen habarlasyp, shara qoldaný kerek ekenin aıtady. Talǵat kelisedi.
8 qańtar kúni keshke ýchaskelik polıeı, oper qyzmetkerlermen birge Zarınany úıinen alyp ketedi. Túnde 5 saǵat tergeý júrgizedi. Kúıeýiniń aıtýynsha, tergeýshisi Raıymbek degen jas bala. Tergeýden keıin bosatyp jiberedi. Erteńine 9 qańtar kúni shaqyryp alyp, protokolmen tanystyryp tergeý aldy 2 aıǵa qamaqqa alady. Emshegi syzdap, súti aǵyp turǵanyna sot pen prokýror qaramaıdy. Onyń ústine Zarına qant dıabetimen esepte turady. Qant mólsheri 23-25 bolyp kóbeıip ketken. Úlken qyzy da vaskýlıt degen dıagnoz qoıylǵan, esepte turady. Osynyń bárin sot eskermegen.
Oblystyq sot alqasyna kúıeýi advokat kómegimen shaǵymdanǵan. Shaǵymy qanaǵattandyrylmaǵan".
Budan keıin kópbalay anaǵa 2022 jylǵy 19 qańtarda Qyzylorda qalasynda Qyzylorda oblystyq soty qaýly shyǵarǵan. Qyzylorda oblystyq sotynyń qylmystyq ister jónindegi sot alqasynyń sýdıasy S.Abdıkanovtyń tóraǵalyq etýimen, hatshy G.Narıkbaeva bolyp, prokýror A.Esnııazovtyń, advokat G.Abdıevanyń qatysýlarymen, beıne baılanys júıesi arqyly óziniń jabyq sot otyrysynda Qyzylorda qalasynyń mamandandyrylǵan tergeý sotynyń 2022 jylǵy 12 qańtardaǵy kúdikti P.C.Bıbasarovaǵa qatysty "kúzetpen ustaý" túrindegi bultartpaý sharasyn sankııalaý týraly qaýlysyna advokat G.Abdıevanyń keltirgen jekeshe shaǵymyn qarap, anyqtalǵan.
Osylaısha sot "kúzetpen ustaý" túrindegi bultartpaý sharasyn 2 (eki) aı merzimge, ıaǵnı, 2022 jyldyń qańtar aıynyń 10 kúni 16 caǵat 56 mınýtynan bastap naýryz aıynyń 10 kúni 16 caǵat 56 mınýtyna deıin bergen.
"Adyrna" ulttyq portaly.
