Tarazdyq jýrnalıst Nuradın Raqaı eki apta tergelip, soqqyǵa jyǵylǵan (VIDEO)

6702
Adyrna.kz Telegram
Tarazdyq jýrnalıst Nuradın Raqaı tártipsizdik kezinde halyqty sabyrǵa shaqyrǵany úshin eki apta tergelgen dep habarlaıdy "Adyrna" ulttyq portaly.
Ol týraly jýrnalıst feısbýktegi paraqshasynda  bylaı dep jazdy:

"Eki apta "aıdaýda" bolǵan ǵazız basym ázer "aqtalyp" shyqty. Jarty aı tergelip, terrorıst emes ekenime tergegender zorǵa kózderi jetti. Tergelý tásiliniń nesin aıtaıyn? Kádimgi orystyń krımınalnyı kınosyndaǵy kórinis qoı. Qýat brat aıtyp qoıypty. Qosyp alarym joq. Esh ókinbeımin. El aýzynda "túsiniksiz tragedııa" atalyp ketken bul oqıǵanyń tergelýin ortasynan kórdim qaıta. Úreı, úrkitýdi mensiz- aq minsiz atqaryp jatyr ǵoı...
Sál qyzyǵyn aıtaıyn. Menimen birge telefonym da "tutqyndaldy". Sodan qyzyq... Ár chat, ár grýppa, ár sózińdi ashyp teksermeı ma? Mende ne bolsyn, ol jaǵynan ýaıym bolǵan joq. Óıtkeni, eshkimdi shaqyrǵanym joq, qaıta jan-jaqtan ýlamaı-shýlamaı, dıalogqa keleıik, ýájimizdi hatqa túsirip aıtaıyq degenime jazyqty boldym...".

Budan bólek jýrnalıst jergilikti bılik ókilderi onyń sońyna túskenin, sonyń saldarynan osyndaı jaǵdaıǵa tap bolǵanyn atap ótti.

"Jappaı qamaý kezinde yrqyna kónbegen, aıdaýyna ermegen belsendilerdi qamatýdyń, tuqyrtýdyń tamasha sátin tapqandaı. Tergeý anyqtalmaı jatyp oblys ákiminiń orynbasary áriptesterge endi Nuradın kóresini kóredi dep sálemdeme jetkizgenin qalaı túsinem? Ǵımaraty órtengen partııa basshysy meni mysal etip tilshilerdi úreılendirgennen ne utty? Keıin Prezıdent naqaq jala jabylmasyn, tergeý ádil ótsin degen syńaıda úndeý tastady ǵoı. Sol sebep boldy ma, áıteýir keıingi kúnderi tergeý kishkene tergeýge uqsady", —dep jazdy ol paraqshasynda.

Nuradın Raqaıdyń áriptesteri onyń tergelgenine emes, soqqyǵa jyǵylǵanyna qatty qynjylyp, bul zańǵa qaıshy ekenin aıtyp pikir bildirýde.

"Keshe Nuradın Raqaıǵa jaǵdaıyn bileıin dep habarlastym. Jáı tergelip júrgen bolar dep tereń mán bergenimizge ókinip qaldyq. Kúshtik qurylymdar jýrnalıst áriptesimizdi ábden soqqyǵa jyǵypty. “Búırekten búırek qalmady, tipti istemeı qaldy” deıdi.

Bir úlken otbasyn asyrap otyrǵan adamdy, qoǵamda orny bar jýrnalısti densaýlyǵynan aıyrý qylmys dep aıyptaımyn. Mundaı jaýyzdyqqa barǵan tergeýshilerdi dereý zań aıasynda qylmystyq jazaǵa tartý kerek dep esepteımin.
Nuradınniń eshqandaı terrorlyq uıymdarǵa, basbuzarlyqqa qatysy joq ekenin jaqsy bilemin. 1 kýrsta Tarazda birge oqydyq. Sodan beri jaqsy tanımyn.
Abzal Quspan aǵa bastaǵan qoǵamdyq komıssııa osy máselege de jiti nazar aýdarsa, quba-qup bolar edi.
Jýrnalıst Nuradın halyqty qaıta tártipke shaqyrýda. Prezıdent Toqaev qaıta beıbit mıtıng zańdylyqtaryn saqtaǵan azamattarǵa alǵys aıtqan joq pa edi?" — dep jazdy jýrnalıst Arman Áýbákir  feısbýktegi paraqshasynda.
Aıta ketý kerek, Nuradın Raqaı buǵan deıin birqatar telearnalarda menshikti tilshi boldy, sondaı-aq, Jambyl oblysy ákiminiń baspasóz qyzmetiniń jetekshisi qyzmetin atqardy.
"Adyrna" ulttyq portaly.
Pikirler