Túrkistan oblysynda sheneýnik jýrnalısti óltirýge tapsyrys bergen. Ol bul qyzmet úshin 5 mln teńge tólegen, dep habarlaıdy «Adyrna» tilshisi.
3 qańtarda áleýmettik jeliler men BAQ-ta Saryaǵash aýdanyndaǵy belgili jýrnalıstiń úıine shabýyl jasalyp, onyń balasy jaraqat alǵany týraly aqparat taraǵan bolatyn.
Sol kúni polıııa qyzmetkerleri bul jaıtty aýdandyq polıııa bóliminde tirkep, QR QK 24-99-baptary "adam óltirýge oqtalý" boıynsha sotqa deıingi tergeýdi bastady. Oblystyq polıııanyń úzdik jedel ýákilderi men tergeýshileri aýyr qylmysty ashýǵa baǵyttaldy. Bul týraly Túrkistan oblysy PD bastyǵy polıııa general-maıory Qaırat Dálbekov egjeı-tegjeıli aıtyp berdi.
«Jasalǵan qylmys týraly aqparatty alǵan soń, birden Saryaǵash aýdanyndaǵy qylmys ornyna meniń jedel qyzmet jónindegi orynbasarym Qurmanbek Sahov bastaǵan krımınaldyq polıııanyń kásibı qyzmetkerleri men tergeýshiler toby jiberildi. Olar kelgen boıda belgisiz bireýlerdiń jýrnalıstiń úıine avtokólikpen baryp, terezeden oq atyp, qashyp ketkenderin anyqtady. Nátıjesinde úı ıesiniń uly jaraqat alǵan. Bul qylmysty izin sýytpaı ashýda oqıǵa oryn alǵan ýaqytta kýálárdiń bolmaýy da ózindik qıyndyq týǵyzdy.
Dese de, jedel-izdestirý is-sharalaryn júrgizý barysynda osy oqıǵaǵa qatysy bar Shymkent qalasynyń eki jas turǵyny turǵylyqty jeri boıynsha ustaldy. Olar oq atyp, oqıǵa ornynan qashyp ketken. Sodan keıin polıııa qyzmetkerlerimiz deldaldar men qylmysty tapsyrys berýshilerge shyqty. Búgingi tańda biz osy qylmysqa qatysy bar 5 kúdiktini ustadyq. Zattaı aıǵaq retinde olardan VAZ (2107/21110) markaly 2 avtokólik tárkilendi. Qylmysty oryndaýshylar bul avtokólikterdi qylmysty jasaǵandary úshin alǵan aqshaǵa satyp alǵan. Sondaı-aq olardan 16 kalıbrli patrondar alyndy»,– dedi ol.
Qazirgi ýaqytta Saryaǵash aýdany turǵyndarynyń biri, ıaǵnı sheneýniktiń osy qylmysqa tapsyrys bergeni anyqtaldy. Ol jýrnalıstiń ómirin 5 000 000 teńgege baǵalaǵan.
«Óz kezeginde oryndaýshylar izderin jasyrý maqsatynda tapsyrysty oryndap, Saryaǵash aýdanynan Shardaraǵa, sodan soń Arys arqyly Shymkentke jetken. Qazir tergeý toby tıisti tergeý amaldaryn júrgizýde. Osy qylmystyq is aıasynda qajetti proessýaldyq áreketter iske asyrylýda. Sotqa deıingi tergeý barysynda qylmystyń sebepteri men barlyq mán-jaılary anyqtalatyn bolady. Sot olardy qamaýǵa alýǵa sankııa berip, kúdiktiler ýaqytsha ustaý ızolıatoryna qamaldy»,- dep qorytyndylady departament bastyǵy Q.Dálbekov.
«Adyrna» ulttyq portaly
