Ūlttyq Olimpiada komitetı 2022 jylǧy Beijıŋ Olimpiadasyna arnalǧan Qazaqstan qūramasynyŋ formasyn köpşılık nazaryna ūsyndy, - dep habarlaidy "Adyrna" ūlttyq portaly "olympic.kz" saityna sılteme jasap.
Eske salaiyq, qysqy Olimpiada oiyndary 4 aqpan künı Beijıŋde bastalyp, 20 aqpanǧa deiın sozylady. Qazaqstan qūramasy sporttyŋ 8 türınen baq synaidy.
Qazaqstan tarihynda alǧaş ret ekipirovkadaǧy el atauy qazaq tılınde Qazaqstan bolyp jazylatyny aityldy."Qazaqstan qūramasynyŋ Olimpiadaǧa arnalǧan sporttyq formasyn qazaqstandyq ZIBROO kompaniiasy şyǧardy. Şeruge arnalǧan kolleksiiany reseilık dizainer, SHISHKIN brendınıŋ negızın qalauşy Dmitrii Şişkin daiyndaǧan. Ekı öndıruşı de eŋ joǧary talaptarǧa sai keletın, öndırıste eko-şeşımge sai keletın ärı kiım dizainynyŋ älemdık trendın qoldanatyn ortaq epikirovka kolleksiiasyn ūsyndy", - delıngen habarlamada.
Basylym mälımetınşe, Qazaqstan qūramasynyŋ Olimpiada ekipirovkasyn daiyndauǧa bır jyldan asa uaqyt ketken. Kiımdı daiyndau prosesıne atletterdıŋ özderı de qatysqan. Olar formanyŋ dizainy, sapasyna qatysty öz ūsynystaryn bıldırgen."Bır aptadan soŋ Qazaqstan qūramasy Qytaiǧa ūşyp ketedı. Al 4 aqpan künı törtjyldyqtyŋ basty dodasy - qysqy Olimpiada bastalady. Tokio qarsaŋyndaǧy sekıldı, oiyn bastalardan būryn ekipirovkany daiyndau kezınde sportşylardyŋ ūsynys-tılegın eskerdık. Bız üşın Olimpiada oiyndarynda sportşylarǧa osy formanyŋ yŋǧaily, qolaily jäne sändı bolǧany maŋyzdy. Al mata men tıgıstıŋ eŋ joǧary talapqa sai bolatyny sözsız", - deidı ŪOK bas hatşysy Andrei Kriukov.
Qysqy oiyndarǧa arnalǧan formanyŋ tanystyrylymyna jazǧy sport türlerınıŋ ökılderı, sonyŋ ışınde, Tokio Olimpiadasynyŋ jüldegerlerı Qamşybek Qoŋqabaev, Säken Bibosynov pen Sofia Berulseva qatysty. Sondai-aq, fotosessiiaǧa dziudoşylar Jansai Smaǧūlov pen Aqmaral Nauatbek, bokstan erler komandasynyŋ kapitany Abylaihan Jüsıpov, gimnast Arujan Qasenova men "Barys" hokkeişısı Samat Daniiar qatysty."Bızdıŋ qūramanyŋ formasynyŋ tanystyrylymyna quana-quana qatystym. Sporttyq küntızbemızdegı aiyrmaşylyqtarǧa bailanysty qysqy sport türındegı atlettermen jiı kezdespesek te, olardyŋ bızge körsetken qoldauyn ūmytqan emespız. Tiısınşe bız de Olimpiada kezınde otandastarymyzdyŋ janküierı bolamyz. Öitkenı bız bır komandanyŋ - Qazaqstan qūramasynyŋ namysyn qorǧaimyz. Formaǧa keler bolsaq, sapasy qatty ūnady. Kürteşeler jeŋıl ärı jyly, dizainy da jinaqy. Qazaqstan sözınıŋ "Q" arqyly, iaǧni qazaqşa jazylǧany köŋılge jyly tiedı eken. Būl forma Beijıŋge attanatyn barlyq sportşymyzǧa ūnaitynyna senımdımın. Olimpiada oiyndarynda barlyǧyna şyn jürekten sättılık tıleimın", - dedı bokstan Tokio Olimpiadasynyŋ jüldegerı, älem chempiony Säken Bibosynov.
"Formanyŋ tanystyrylymyna şaqyrtu alǧanymda taŋǧaldym ärı quandym. Öitkenı qysqy sporttaǧy atletterımızdıŋ nätijesın ünemı qadaǧalap jüremın. Bır kün boiy özımızdı model sezındık. Mūndai qyzyq jobaǧa qatysu men üşın ülken täjıribe boldy. Forma qatty ūnady, tüsı de, epikirovka sapasy da quantady. Öte jyly ärı denege jaqsy tūrady. Sportşylar jabyq ǧimarattarda da, ülken stadiondarda da özderın yŋǧaily sezınetını anyq. Aitpaqşy, olardyŋ formasy eŋ sändı bolatynyna kümänım joq. Aldaǧy eŋ maŋyzdy jarysta qūramaǧa sättılık tıleimın. Alǧa!", - dedı Tokio Olimpiadasynyŋ jüldegerı, karateşı Sofia Berulseva.Kiımdegı jazuǧa bıregei şrift taŋdalǧan. Jarysty qabyldauşy eldıŋ dästürlerı de nazardan tys qalmaǧan. Olimpiada ötetın jyl su jolbarysy jylymen säikes keledı, al şyǧys küntızbesı boiynşa 2022 jylǧy tüs "talaptaryna" aspan kök, qara jäne aq tüs säikes keledı. Kiım Qytaidaǧy qysqy klimatqa arnaiy oilastyrylǧan. Mūnda temperatura kei kezderı 20 gradustan da tömendeidı. Sondyqtan syrt kiım tabiǧi qaz jünımen jasalǧan, jyludy saqtap, suyqty ötkızbeitın zamanaui materialdar qoldanylǧan. Kölemıne qaramastan, kiımnıŋ salmaǧy az, erkın qozǧaluǧa yŋǧaily. Dizainerlerdıŋ oiynşa, sportşylar būl formany sporttyq arenadan basqa jerlerge de kie alady.
Eske salaiyq, qysqy Olimpiada oiyndary 4 aqpan künı Beijıŋde bastalyp, 20 aqpanǧa deiın sozylady. Qazaqstan qūramasy sporttyŋ 8 türınen baq synaidy.
"Adyrna" ūlttyq portaly.
