Beıjiń Olımpıadasy: Qazaqstan quramasynyń formasy tanystyryldy

2867
Adyrna.kz Telegram

Ulttyq Olımpıada komıteti 2022 jylǵy Beıjiń Olımpıadasyna arnalǵan Qazaqstan quramasynyń formasyn kópshilik nazaryna usyndy, - dep habarlaıdy "Adyrna" ulttyq portaly "olympic.kz" saıtyna silteme jasap. 

Qazaqstan tarıhynda alǵash ret ekıpırovkadaǵy el ataýy qazaq tilinde Qazaqstan bolyp jazylatyny aıtyldy.

"Qazaqstan quramasynyń Olımpıadaǵa arnalǵan sporttyq formasyn qazaqstandyq ZIBROO kompanııasy shyǵardy. Sherýge arnalǵan kollekııany reseılik dızaıner, SHISHKIN brendiniń negizin qalaýshy Dmıtrıı Shıshkın daıyndaǵan. Eki óndirýshi de eń joǵary talaptarǵa saı keletin, óndiriste eko-sheshimge saı keletin ári kıim dızaınynyń álemdik trendin qoldanatyn ortaq epıkırovka kollekııasyn usyndy", - delingen habarlamada.

Basylym málimetinshe, Qazaqstan quramasynyń Olımpıada ekıpırovkasyn daıyndaýǵa bir jyldan asa ýaqyt ketken. Kıimdi daıyndaý proesine atletterdiń ózderi de qatysqan. Olar formanyń dızaıny, sapasyna qatysty óz usynystaryn bildirgen.

"Bir aptadan soń Qazaqstan quramasy Qytaıǵa ushyp ketedi. Al 4 aqpan kúni tórtjyldyqtyń basty dodasy - qysqy Olımpıada bastalady. Tokıo qarsańyndaǵy sekildi, oıyn bastalardan buryn ekıpırovkany daıyndaý kezinde sportshylardyń usynys-tilegin eskerdik. Biz úshin Olımpıada oıyndarynda sportshylarǵa osy formanyń yńǵaıly, qolaıly jáne sándi bolǵany mańyzdy. Al mata men tigistiń eń joǵary talapqa saı bolatyny sózsiz", - deıdi UOK bas hatshysy Andreı Krıýkov.

Qysqy oıyndarǵa arnalǵan formanyń tanystyrylymyna jazǵy sport túrleriniń ókilderi, sonyń ishinde, Tokıo Olımpıadasynyń júldegerleri Qamshybek Qońqabaev, Sáken Bıbosynov pen Sofıa Berýleva qatysty. Sondaı-aq, fotosessııaǵa dzıýdoshylar Jansaı Smaǵulov pen Aqmaral Naýatbek, bokstan erler komandasynyń kapıtany Abylaıhan Júsipov, gımnast Arýjan Qasenova men "Barys" hokkeıshisi Samat Danııar qatysty.

"Bizdiń quramanyń formasynyń tanystyrylymyna qýana-qýana qatystym. Sporttyq kúntizbemizdegi aıyrmashylyqtarǵa baılanysty qysqy sport túrindegi atlettermen jıi kezdespesek te, olardyń bizge kórsetken qoldaýyn umytqan emespiz. Tıisinshe biz de Olımpıada kezinde otandastarymyzdyń jankúıeri bolamyz. Óıtkeni biz bir komandanyń - Qazaqstan quramasynyń namysyn qorǵaımyz. Formaǵa keler bolsaq, sapasy qatty unady. Kúrtesheler jeńil ári jyly, dızaıny da jınaqy. Qazaqstan sóziniń "Q" arqyly, ıaǵnı qazaqsha jazylǵany kóńilge jyly tıedi eken. Bul forma Beıjińge attanatyn barlyq sportshymyzǵa unaıtynyna senimdimin. Olımpıada oıyndarynda barlyǵyna shyn júrekten sáttilik tileımin", - dedi bokstan Tokıo Olımpıadasynyń júldegeri, álem chempıony Sáken Bıbosynov.

"Formanyń tanystyrylymyna shaqyrtý alǵanymda tańǵaldym ári qýandym. Óıtkeni qysqy sporttaǵy atletterimizdiń nátıjesin únemi qadaǵalap júremin. Bir kún boıy ózimizdi model sezindik. Mundaı qyzyq jobaǵa qatysý men úshin úlken tájirıbe boldy. Forma qatty unady, túsi de, epıkırovka sapasy da qýantady. Óte jyly ári denege jaqsy turady. Sportshylar jabyq ǵımarattarda da, úlken stadıondarda da ózderin yńǵaıly sezinetini anyq. Aıtpaqshy, olardyń formasy eń sándi bolatynyna kúmánim joq. Aldaǵy eń mańyzdy jarysta quramaǵa sáttilik tileımin. Alǵa!", - dedi Tokıo Olımpıadasynyń júldegeri, karateshi Sofıa Berýleva.

Kıimdegi jazýǵa biregeı shrıft tańdalǵan. Jarysty qabyldaýshy eldiń dástúrleri de nazardan tys qalmaǵan. Olımpıada ótetin jyl sý jolbarysy jylymen sáıkes keledi, al shyǵys kúntizbesi boıynsha 2022 jylǵy tús "talaptaryna" aspan kók, qara jáne aq tús sáıkes keledi.

Kıim Qytaıdaǵy qysqy klımatqa arnaıy oılastyrylǵan. Munda temperatýra keı kezderi 20 gradýstan da tómendeıdi. Sondyqtan syrt kıim tabıǵı qaz júnimen jasalǵan, jylýdy saqtap, sýyqty ótkizbeıtin zamanaýı materıaldar qoldanylǵan. Kólemine qaramastan, kıimniń salmaǵy az, erkin qozǵalýǵa yńǵaıly. Dızaınerlerdiń oıynsha, sportshylar bul formany sporttyq arenadan basqa jerlerge de kıe alady.

 

Eske salaıyq, qysqy Olımpıada oıyndary 4 aqpan kúni Beıjińde bastalyp, 20 aqpanǵa deıin sozylady. Qazaqstan quramasy sporttyń 8 túrinen baq synaıdy. 

"Adyrna" ulttyq portaly.
Pikirler