Qazaqstan ınjenerlik-tehnologııalyq ýnıversıtetinde ınjenerlerdiń jańa býyny men tehnıkalyq mamandardy qalaı daıarlaý qajettiligi talqylandy.
Qazaqstannyń joǵary oqý oryndaryna jańa mindetter qoıyldy. Otandyq bilim oryndarynda ónerkásip ınjenerleriniń jańa býynyn tárbıeleý, tehnıkalyq mamandardy daıyndaý qajettiligi basty nazarǵa alyndy.
Mundaı jańa mindetterdi Memleket basshysy Qasym-Jomart Toqaev 11 qańtarda Parlament májilis otyrysynda málimdegen bolatyn. Qazaqstan ınjenerlik-tehnologııalyq ýnıversıtetinde 19 qańtar kúni ótken «Básekelestik ortadaǵy ýnıversıtetterdiń damýy: trendter men bolashaǵy» atty halyqaralyq ǵylymı-ádistemelik konferenııa osy baǵytty negizge aldy.
Qazaqstan ınjenerlik-tehnologııalyq ýnıversıtetiniń rektory Gúlnar Sársenbekova halyqaralyq ǵylymı jıynnyń ashylýynda: «Qazaqstan Prezıdenti «Qasiretti qańtar» sabaǵy: qoǵam tutastyǵy – táýelsizdik kepili baıandamasynda sapaly bilimge qoljetimdilikti arttyryp, gýmanıtarlyq mamandyqtarǵa qaraǵanda, endi tehnıkalyq mamandyqtarǵa basymdyq berilý kerektigin, ınjenerler men óndirisshilerdiń jańa býynyn daıyndaý qajettiligin, sonymen qatar, jaqyn arada Reseıdiń ozyq tehnıkalyq joǵary oqý oryndarynyń fılıaldaryn ashýdy josparlaýdy erekshe atap ótti. Bul óz kezeginde dál osy salada mamandar daıyndap, sapaly bilimge erekshe mán berip otyrǵan Qazaqstan ınjenerlik-tehnologııalyq ýnıversıteti úshin úlken jaýapkershilik», - dep atap ótti.
Jańa mindetti negizge ala otyryp, ǵylymı-ádistemelik konferenııa jumysynda sheteldik áriptestermen birlese ýnıversıtetter damýynyń jańa trendteri men bolashaǵy jaıly, zamanaýı talaptardaǵy ýnıversıtetterdiń atqarar róli talqylanyp, jetekshi sheteldik joǵary oqý oryndarymen tájirıbe almasyp, osy saladaǵy ózekti taqyryptar talqylanatynyn, básekege qabiletti zaman talabyna saı jańa bilim berý baǵdarlamalary jasalatynyn jetkizdi.
Halyqaralyq ǵylymı jıynǵa Reseı, Ulybrıtanııa, Latvııa joǵarǵy oqý oryndarynyń ǵalymdarymen qatar, otandyq ǵalymdar, memleket jáne qoǵam qaıratkerleri, JOO-lardyń oqytýshy-professorlar quramy, «Bolashaq» baǵdarlamasynyń túlekteri jáne stýdentter qatysty.
Konferenııada bilim berý úrdisiniń zamanaýı trendteri, JOO-da ınnovaııalyq qyzmetti uıymdastyrý men damytýdyń negizgi baǵyttary, Ýnıversıtetterdiń ǵylym men ınnovaııadaǵy róli jáne taǵy da basqa ózekti máseleler talqylandy.
Mıkrobıologııa jáne vırýsologııa ǵylymı-óndiristik ortalyǵynyń bas dırektory Amankeldi Sadanov elimizdegi farmaevtıkalyq ázirlemeler daıyndaý barysyna toqtaldy. Otandyq óndirisshilerdiń óndirip jatqan dárileriniń úles salmaǵy óte az ekendigin jetkizdi. Baıandamasynda belgili bolǵandaı, búginde qarapaıym dárilik quraldardyń 11 paıyzy Qazaqstanda jasalsa, qalǵan 89 paıyzy ımportqa tıesili.
Aıta ketsek, professor A. Sadanov el táýelsizdiginiń 30 jyldyǵynda ál-Farabı atyndaǵy ǵylym jáne tehnıka salasyndaǵy memlekettik syılyqty ıelendi. Amangeldi Sadanov bizdiń elimiz úshin jańa jáne ózekti baǵyt – Bıotehnologııa men topyraq mıkrobıologııasyn zertteıtin ǵylymı mektepti qurǵanyn aıta ketken jón.
Qazaqstan ınjenerlik-tehnologııalyq ýnıversıtetinde uıymdastyrylǵan halyqaralyq konferenııada sheteldik ǵalymdardyń da ózekti baıandamalary tyńdaldy.
Taýly-Altaı memlekettik ýnıversıtetiniń (Reseı) ókili Toskanaı Kýttýbaeva JOO-da ınnovaııalyq qyzmetti uıymdastyrý men damytýdyń negizgi baǵyttaryna toqtalyp, reseılik ýnıversıtettiń tájirıbesimen bólisti. Bul ýnıversıtette mamandardy daıarlaý orta kásibı bilim berý, bakalavrıat, magıstratýra sonymen qatar, speıalıtet jáne aspıratnýra satylarynda júrgiziletinin baıandady.
Úzdiksiz bilim berý júıesin damytýdy júzege asyrýdaǵy Altaı memlekettik ýnıversıtetiniń (Reseı) róli jaıly baıandaǵan Altaı memlekettik ýnıversıteti Hımııa jáne hımııalyq-farmaevtıkalyq tehnologııalar ınstıtýtynyń dırektory Irına Mıkýshına bul salada jumys berýshiler men bilim alýshylardyń qyzyǵýshylyqtary men suranystaryn eskerýdi, sonymen qatar joǵary oqý ornyna deıingi ǵylymı jobalyq daıarlyqtardy qolǵa alýdy, bilim berý baǵdarlamalarynyń, sonyń ishinde magıstratýra boıynsha tyńǵylyqty jańartylýyn alǵa tartty. Ulybrıtanııadaǵy Glazgo ýnıversıtetiniń oqytýshysy Baqyt Tólegenov sapaly bilim berý joldaryna toqtaldy.
Rıga tehnıkalyq ýnıversıtetiniń (Latvııa) professory Elena Chaıko ýnıversıtetterdegi onlaın oqytý júıesiniń barysyn taldasa, Ońtústik-Oral memlekettik ýnıversıtetiniń (Reseı) kafedra meńgerýshisi Irına Potoroko ýnıversıtetterdiń bilim berý saıasatyna toqtaldy. Máskeý memlekettik tamaq ónimderi ýnıversıtetiniń ınstıtýt dırektory Tatıana Danılchýk bilim berý úderisiniń zamanaýı syn-qaterleri men damýy jaıly baıandama jasady.
Osy oraıda otandyq ǵalymdar da óz oılaryn ortaǵa salyp, túrli taqyryptarda pikir almasty. Ál-Farabı atyndaǵy QazUÝ-dyń kafedra meńgerýshisi Madına Mansurova beıresmı bilim berý nátıjelerin taný jáne máseleleri men perspektıvalaryn, Qazaqstan ınjenerlik-tehnologııalyq ýnıversıtetiniń departament dırektory Baýyrjan Tatıbekov ýnıversıtetterdiń ǵylym men ınnovaııadaǵy rólin talqylady.
Al Qazaqstan ınjenerlik-tehnologııalyq ýnıversıtetiniń professory Sharbaný Muzdybaeva ýnıversıtettegi úzdiksiz bilim berý salasy boıynsha ǵylymı baıandamasymen bólisti.
Qazaqstanda ınjenerler men tehnıkalyq mamandar daıyndaıtyn oqý orny Qazaqstan ınjenerlik-tehnologııalyq ýnıversıtetindegi bilim berý baǵdarlamalary boıynsha prorektor Darhan Aqpanbetov málimdese, Uzaq merzimdi yntymaqtastyqqa arnalǵan «Qazaqstan ınjenerlik-tehnologııalyq ýnıversıteti-Financial Economic Lab»: kadrlardy daıarlaý, qaıta daıarlaý jáne Qazaqstan ınjenerlik-tehnologııalyq ýnıversıtetiniń sheteldik joǵary oqý oryndarymen birlesken bilim berý baǵdarlamalary boıynsha «Bolashaq» baǵdarlamasynyń túlegi Dáýren Joldybek baıandady.
Halyqaralyq ádistemelik konferenııada sonymen qatar, bilim berý úrdisiniń zamanaýı trendteri jaıly Qazaqstan ınjenerlik-tehnologııalyq ýnıversıteti ekonomıka jáne fınans kafedrasynyń professory Aıgúl Toqsanova aıtyp ótti.
Qazaqstan ınjenerlik-tehnologııalyq ýnıversıtetinde ótken «Básekelestik ortadaǵy ýnıversıtetterdiń damýy: trendter men bolashaǵy» halyqaralyq ǵylymı-ádistemelik konferenııa onlaın formatta ZOOM platformasynda júrgizilip, Youtube jelisinde translıaııalandy.
Sheteldik jáne otandyq ǵalymdardyń basyn qosqan bul ǵylymı halyqaralyq konferenııada ınjener, tehnıka salasynda sapaly mamandardy, básekege qabiletti óndýrishilerdi daıarlaýǵa negiz bolatyn ozyq tájirıbeler aıtylyp, sapaly maman-kadrlardy daıarlaýǵa úles qosatyn oqytý, bilim berý úlgileri usynyldy.
“Adyrna” ulttyq portaly
