Ázirbaıjan Syrtqy ister mınıstrligi «20 qańtar – Ulttyq aza tutý kúnine» baılanysty málimdeme jasady

1983
Adyrna.kz Telegram

“1990 jyldyń qańtarynyń 19-nan 20-na qaraǵan túni KSRO basshylyǵynyń buıryǵymen 26 myń adamdyq keńes áskeri Baký, Sumǵaıyt jáne Ázerbaıjannyń basqa da qalalaryna basyp kirdi. Bul áskerı aralasýdyń nátıjesinde 147 beıbit turǵyn qaza taýyp, 744-i aýyr jaraqatqa ushyrady. Oqıǵa qazirgi Ázerbaıjan tarıhyna «Qaraly qańtar» degen atpen endi.

Osy qaıǵyly oqıǵalarǵa deıin 1980 jyldardyń aıaǵyndaǵy Armenııanyń Ázerbaıjanǵa qoıǵan negizsiz aýmaqtyq kinárat-talaptary, burynǵy Ázerbaıjan KSR-nyń Taýly Qarabaq avtonomııalyq aımaǵyndaǵy radıkal armıandardyń agressıvti separatıstik áreketteri, bul áreketterdi KSRO basshylyǵynyń qoldaýy, Armenııanyń ózinen júzdegen ázerbaıjandyqtardyń zorlyq-zombylyqpen jáne aıaýsyz jer aýdarylýy - Ázerbaıjandaǵy keńes bıligine qarsy qozǵalystyń keńeıýine serpin berdi. Jalpyulttyq qozǵalysqa kedergi jasap, ázerbaıjan halqynyń jigerin, táýelsizdikke degen umtylysyn, eńsesin basý maqsatynda keńes áskeri elge basyp kirdi jáne halyqaralyq quqyq normalaryn, burynǵy KSRO jáne Ázerbaıjan KSR Konstıtýııalaryn óreskel túrde buza otyryp, beıbit halyqty jábirlep qyrǵynǵa ushyratty.

Qaıǵyly oqıǵalardan keıin-aq jalpyulttyq kóshbasshy Geıdar Álıev Ázerbaıjannyń Máskeýdegi turaqty ókildiginde bul aıýandyqtardy qatań aıyptap baspasóz máslıhatyn ótkizdi, halqymyzǵa jasalǵan qyrǵynǵa saıası baǵa berip, kinálilerdi jazalaýdy talap etti.

1994 jyldyń aqpan aıynda ótkizilgen Mıllı Medjlıstiń arnaıy otyrysynda 1990 jyldyń 20 qańtary kúni beıkúná adamdardyń aıýandyqpen óltirilýi áskerı agressııa jáne qylmys retinde baǵalanyp, 1994 jyldyń naýryzyndaǵy talqylaýlar nátıjesinde «1990 jyldyń 20 qańtary kúni Baký qalasynda bolǵan qaıǵyly oqıǵalar týraly» sheshim qabyldandy. Al, 20 qańtar Ulttyq aza tutý kúni bolyp jarııalandy.

20 qańtarda oryn alǵan qasiretten beri 32 jyl ótti, alaıda BUU-nyń Adam quqyqtarynyń jalpyǵa ortaq deklaraııasyn, Azamattyq jáne saıası quqyqtar týraly halyqaralyq paktini jáne basqa da halyqaralyq quqyqtyq qujattardy óreskel túrde buzý bolyp tabylatyn jáne mánisi men aýqymy boıynsha HH ǵasyrda jasalǵan eń qorqynyshty qylmystardyń biri bolatyn bul oqıǵaǵa halyqaralyq saıası-quqyqtyq baǵa áli kúnge deıin berilgen joq.

Jeńimpaz Joǵarǵy Bas Qolbasshynyń basshylyǵymen batyl, erjúrek Ázerbaıjan áskeri 44 kúnge sozylǵan Otan soǵysynyń nátıjesinde elimizdiń aýmaqtyq tutastyǵyn qamtamasyz etti jáne búgingi kúni Ázerbaıjan Respýblıkasy táýelsizdiginiń 31 jyldyǵynda álemdik qaýymdastyqtyń laıyqty, senimdi jáne jaýapty múshesi bolyp tabylady.

Ázerbaıjannyń táýelsizdigin, egemendigi men aýmaqtyq tutastyǵyn nyǵaıtý bizdiń memlekettigimizdiń negizi jáne osy negizge alynǵan qaǵıdattardy udaıy saqtaý jolyndaǵy kúresimiz máńgilik bolady.

Memleketimizdiń táýelsizdigi men tutastyǵyna qarsy baǵyttalýy múmkin kez kelgen qaýip-qaterge bizdiń tarap tabandy túrde jaýap berýdi jalǵastyrady jáne Ázerbaıjan halqy men memleketine qarsy túrli qylmystarǵa kinálilerdi jaýapkershilikke tartý úshin barlyq qajetti sharalar qabyldanady.

Biz Ázerbaıjannyń táýelsizdigi úshin, sondaı-aq elimizdiń egemendigi men aýmaqtyq tutastyǵy úshin janyn berip, ómirin qıyp qurban bolǵan barlyq qaharmandarymyzdy tereń qurmetpen jáne sheksiz alǵyspen eske alamyz.”

“Adyrna” ulttyq portaly

Pikirler