Almaty oblysynda Qazaqstan Respublikasynyŋ Memlekettık rämızderı künıne arnalǧan «Tūǧyrly tuym» jäne «Patriottyq forum» atty qos şara öttı. Atalmyş şaralar oblystyq ışkı saiasat basqarmasymen jäne «Qoǧamdyq kelısım jäne damu ortalǧy» KMM-nıŋ ūiytqy boluymen ıske asty.
«Tūǧyrly tuym» atty jiyn Ile audany, Ötegen batyr kentındegı Tu tūǧyrdyŋ maŋynda öttı. Şara änūrannyŋ şyrqaluy men memlekettık tudyŋ saltanatty türde köterıluı men oblys äkımı Marat Sūltanǧazievtıŋ aqjarma tılegımen bastaldy.
«Qazaqstan Respublikasynyŋ rämızderı bızdıŋ tarihymyzdy, mädenietımızdı jäne ūlttyq qadır-qasietımızdı eske salady. Memlekettık rämızderımızde bükıl Qazaqstan halqyn bırıktıretın, jalpyūlttyq bıregeilıgımızdı nyǧaitatyn qūdırettı küş bar. Olar ärqaşan jaŋa jetıstıkterge jetu jolynda bızge şabyt berıp, küş-quatymyzdyŋ qainar közı bolyp qala beredı», - dep qūttyqtady öŋır basşysy.
Jiyn «Qūlansaz» folklorlyq-etnografiialyq ansamblınıŋ «Kök tudyŋ jelbıregenı» atty patriottyq ändı oryndauymen jalǧasty. Än jinalǧandardyŋ jüregın tebırentıp jäne Otanǧa degen maqtanyş sezımın oiatty. Sonymen qatar, 30 baikerden tūratyn motosiklşıler şeruı öttı. Olar el bırlıgı men küş-quatyn bıldıretın Memlekettık tudy Ile audanynan bastap Qonaev qalasynyŋ ortalyq alaŋyna deiın jelbıretıp jetkızdı.
Is-şara Qonaev qalasynyŋ kıreberısınen ortalyq alaŋǧa deiıngı retro kölıkterdıŋ saltanatty şeruıne ūlasty. Qonaev qalasyndaǧy retro kölık salonynyŋ jetekşısı ,mesenat Mūrat Sırgebaev ta şeruge qatysty. Tüskı saǧat 12:00-de 10 myŋnan astam oblys tūrǧyndary bırauyzdan Qazaqstan Respublikasynyŋ Änūranyn şyrqap, eljandylyq pen erekşe küige bölendı. Osylaişa, «Patriottar forumy» dep atalǧan şara öz şymyldyǧyn türdı.
Artynşa, qarǧyn sumen küreste aldyŋǧy şepte jürıp, otandastarymyzǧa qoldau bıldırgenıŋızge oblystyq Tötenşe jaǧdailar qyzmetkerlerımen, eldıŋ bairaǧyn älemdık arenada jelbıretıp jürgen bırqatar saŋlaq sportşylar oblys basşysynyŋ arnaiy alǧys hatymen marapattaldy.
Şaranyŋ körkın Prezidenttık orkestrdıŋ «ABYROY» tobynyŋ oryndauyndaǧy «RUH» änı kırgıze tüstı. Sonymen qatar, jergılıktı önerpazdarda än men biden şaşu şaşyp, tūrǧyndarǧa merekelık köŋıl-küi syilady.
Aita keteiık, şara barysynda qala tūrǧyndary men qonaqtary paraşiutşılerdıŋ kök tumen körsetken önerıne de kuä boldy. Jalpy, mereke künı oblys kölemınde 300-den astam merekelık ıs-şara ötıp, 23.000-nan astam qatysuşy jinaldy. Oblystyŋ är audanynda tu köterılıp, änūran şyrqaldy.
Ūqsas jaŋalyqtar
