Erteń barlyq óńirde tótenshe jaǵdaı rejımi toqtatylady

1933
Adyrna.kz Telegram

Erteń saǵat 00:00-den bastap barlyq óńirde tótenshe jaǵdaı rejımi toqtatylady, dep habarlaıdy Berik Ýálı óz facebook paraqshasynda. 

19 qańtarda jarym túnnen keıin, ıaǵnı saǵat 00:00-den bastap, Nur-Sultan jáne Almaty qalalarynda, sonymen qatar Almaty, Atyraý, Jambyl, Qyzylorda, Mańǵystaý oblystarynda tótenshe jaǵdaıdyń kúshi joıylady.

Buǵan deıin Prezıdenttiń Jarlyqtaryna sáıkes, ózge óńirlerde tótenshe jaǵdaı merziminen buryn toqtatylǵan bolatyn.

Osylaısha, búkil el aýmaǵy qalypty ómirge oralady. Tótenshe jaǵdaı kezindegi qoǵamdyq tártipti qorǵaýdy kúsheıtý jáne erkin júrip-turýǵa, eldi mekenderge kirýge jáne shyǵýǵa, t.b. qosymsha engizilgen shekteý sharalary da joıylady.

Halyqtyń birligi men tutastyǵynyń, quqyq qorǵaý organdary men áskerılerdiń jankeshti is-qımyldarynyń arqasynda Qazaqstannyń barlyq aýmaǵynda tártip pen tynyshtyq qalpyna keltirildi.

Elimizde árqashan beıbitshilik pen ıgilik bolsyn!

“Adyrna” ulttyq portaly

Pikirler