Qurmetti otandastar!
Ardaqty aǵaıyn!
2022 jyl halqymyz úshin kúrdeli de qaterli synaqtan bastaldy.
Barshańyzǵa málim, uıymdasqan ekstremıstik toptar elimizde jappaı tártipsizdik ornatyp, terrorıstik shabýyl jasady.
Sonyń saldarynan beıbit turǵyndarymyz zardap shekti.
Qasiretti oqıǵa kezinde qaza bolǵandardyń jaqyndary men týǵan-týystarynyń qaıǵysyna ortaqtasyp, kóńil aıtamyn.
Lańkester eldigimiz ben egemendigimizge, tynyshtyǵymyz ben tutastyǵymyzǵa qaýip tóndirip, jurttyń berekesin qashyrdy.
Prezıdentimiz Qasym-Jomart Kemeluly Toqaevtyń shuǵyl sheshimderiniń arqasynda el irgesi sógilgen joq.
Memleket basshysyn qoldaý – barshamyzdyń azamattyq boryshymyz.
Endigi kezekte osy oqıǵadan sabaq alyp, mundaı bassyzdyqqa jol bermeýge tıispiz.
Babalarymyz ǵasyrlar boıy ańsaǵan táýelsizdiktiń otyz jyly ishinde atqarǵan isterimiz az emes.
Qazaqstan álemge tanylǵan eńseli elge aınaldy.
Ulan-ǵaıyr shekaramyz túbegeıli bekitildi.
Elimizde irgeli reformalar júzege asyp, Ortalyq Azııada kósh bastadyq.
Eýrazııa júreginde, Saryarqa tósinde jańa astanamyz boı kóterdi.
Birlik barda eshbir jaý saǵymyzdy syndyra almas.
“Adyrna” ulttyq portaly
