“ Búlikshilerdiń jasaǵan eń durys isi”: "Qos Like" jáne "Bir bolaıyq" baǵdarlamalary órtenip ketti

7511
Adyrna.kz Telegram

Eldi shýlatqan baǵdarlama búginde teledıdarda kórsetilimde joq. Oǵan sebep, elimizde bolǵan lańkestik saldary. Búlikshiler bul stýdııany tonap, órtep jibergen.Bul týraly Caravan.kz medıa portaly habarlaıdy. 

Birneshe jyldan beri shyǵyp kele jatqan "Qos Like" jáne "Bir bolaıyq" baǵdarlamalary túsiriletin telestýdııaǵa zaqym kelgen. Eki baǵdarlama da bir jerde túsiriledi. "Bir bolaıyqtyń" redaktory ári júrgizýshisi Shah-Kerim Kármenov stýdııaǵa shabýyl jasalmas buryn, ıaǵnı 5 qańtarda elde osyndaı jaǵdaı bolyp jatqanda efırge shyǵa almaıtyndaryn aıtqan edi.

Odan keıin stýdııaǵa shabýyl jasalyp, birneshe kúnnen beri efırden kórsetilmedi. Keshe "Qos Like" baǵdarlamasynyń júrgizýshisi Dıana Skatova órtenip ketken stýdııanyń aldynan foto júktedi. Tonaýshylar ondaǵy kıim-keshek, jaramdy zattardyń birazyn urlap ketken.

Jalpy, osy baǵdarlamaǵa qatysty qoǵamda eki túrli pikir bar. Bir kezderi tipti Prezıdenttiń atyna da hat jazyp, jabý qajettigin aıtqan qoǵam belsendileri bolǵan.

"Búlikshilerdiń jasaǵan eń durys isi osy boldy-aý", "Endi bul qýanyshty jańalyq", "Saýap bolǵan eken. Kim órtep ketse de rahmet", "Saýapty is jasaǵan eken az áli, "Osy bir bolaıyq baǵdarlamany túbimen túrik qatynmen qosyp órtep jiberý kerek. Qazaq jastaryn saıqy mazaq qyldy. Aqymaq qatysýshylar", dep oqyrmandar pikirlerin jazdy.

Eske salsaq, elimizde oryn alǵan jappaı tártipsizdikter kezinde áskerıler men tártip saqshylary zardap shekti. Al búlkishiler arasynda terrorıster bolǵany málim boldy. Bir ǵana Almaty qalasyna 20 myńdaı lańkes shabýyl jasaǵan.Olar ákimshilik ǵımarattardy qıratyp, dúkenderdi tonaly, órtedi. Prezıdet Qasym-Jomart Toqaev 19 qańtarǵa deıin elde tótenshe jaǵdaı jarııalady.

“Adyrna” ulttyq portaly

Pikirler