"Ákege saǵynysh": Túrmedegi eks oblys ákimine arnap balalary án saldy (VIDEO)

10684
Adyrna.kz Telegram

Qazir túrmede otyrǵan Qyzylorda oblysynyń burynǵy ákimi Qýanyshbek Ysqaqovtyń ul-qyzdary aıtqan án jelidegi jurttyń júregin eljiretti, dep habarlaıdy "Adyrna" ulttyq portaly. Beınejazbany Qýanyshbek Ysqaqovtyń qyzy Aıdana Dosmaıylova óz fb áleýmettik paraqshasyna jarııalap, "júregimizdegi úmit oty áli de laýlap janyp tur, sol laýlap turǵan jalyn ómirimizge jaryq pen jylý berýde" - dep jazdy.

- Saǵynyshtan sarǵaıǵan kóńilimizge kúsh beretin tek osy jaqsyǵa degen óshpegen úmit pen ádildikke degen senim. Biz birgemiz! Ádildiktiń aq týy jelbireıtin kúnimiz jaqyn, bolashaǵymyz jarqyn bolǵaı! — dedi Qýanyshbek Ysqaqovtyń qyzy.

"Túbi ádildik jeńer", "Ádildik týy kóterilýde. Saǵynyshtaryńyz basatyn otbastaryńyzǵa bıik taýdaı bolǵan papalaryńyz oralýyna tilektespiz!, "Úmitteriń úzilmesin! Senimderiń óshpesin! Allahtyń qalaýymen ádildiktiń aq tańy atyp, súıinshileıtin kún de bolar!" - dep pikir qaldyrdy jeli qoldanýshylary.

Esterińizge sala keteıik, Qyzylorda oblysynyń burynǵy ákimi Qýanyshbek Ysqaqov 2020 jyly Arystaǵy jarylysqa jınalǵan qordan 80 mıllıon teńge jymqyrdy degen aıyppen 7 jylǵa sottalǵan bolatyn.

"Adyrna" ulttyq portaly

Pikirler