Üşınşı megapoliste joldardy jöndeu jäne qalpyna keltıru jūmystary jalǧasuda. Būǧan jauapty qalalyq jolauşylar kölıgı jäne avtomobil joldary basqarmasy ökılderınıŋ mälımetınşe, bırınşı kezekte, magistraldı köşelerdı kütıp-ūstau jūmystary oryndaluda. Keşendı jospar aiasynda aua raiynyŋ qolaily sätterınde aǧymdaǧy jöndeu jürgızılıp, oi-şūŋqyrlar jamalǧan.
– Bügıngı taŋǧa deiın merdıger mekemeler öz mındetterın tiıstı kestemen oryndauda. Jalpy kölemı 14 000 metr kvadrat kölemdegı jol jabyny qalpyna keltırıldı. Ol jūmystar aiaqtalǧan soŋ, ekınşı kezekte, eldımekenderdegı ışkı oram köşelerın aǧymdaǧy jöndeu jürgızıledı. Ol jūmystar mausym aiynan bastalady dep josparlanuda, – deidı basqarma basşysy Erjan Joldasov.Jöndelıp jatqan magistraldı köşelerdıŋ jalpy sany – 41. Onyŋ ışınde eŋ köbı qalanyŋ ortalyq audany sanalatyn Äl-Farabi audanynda ornalasqan – 19 köşe. Būǧan qosa Abai audany boiynşa – 9 köşe, Eŋbekşı audanynda – 8, al Qaratau audanynda 5 köşe jöndeldı. Jauapty mamandardyŋ aituynşa, qaladaǧy joldardy kütıp-ūstau maqsatynda aǧymdaǧy jöndeumen qatar kürdelı jöndeu jūmystary da jalǧasady.
"Adyrna" ūlttyq portaly
Ūqsas jaŋalyqtar
