Almatyda tártipsizdikter kezinde 4 balanyń anasy oq tıip, kóz jumǵan

3921
Adyrna.kz Telegram

Almatyda tártipsizdikter kezinde kólikte bala emizip otyrǵan áıeldiń basyna oq tıip kóz jumǵan, dep habarlaıdy "Adyrna" ulttyq portaly "Stan.kz"-ke silteme jasap. 

Bul týraly jýrnalıst Gúlmıra Ábiqaı málimdedi. Onyń aıtýynsha, 5 qańtarda otbasy aýyryp turǵan balalaryna dári izdep, kólikpen shyqqan.

"Búrkitbaevtar bir-aq kúnde qara jamyldy. 5 qańtarda qyzýy kóterilip mazasyzdanǵan 7 aılyq Nurymǵa dári alýǵa shyqqan otbasy anadan aıyryldy. 35 jastaǵy Janar kishkentaıyn emizgen kúıi basyna oq tıip mert boldy. Azan-qazan jylaǵan bala, qanǵa bókken bópe, eseńgiregen otaǵasy. Sol kúıi qaladaǵy qaıyn ápkesine barady. Olar túsinbeı, abdyrap, birinshi kezekte jedel járdem shaqyrǵan, biraq kelmedi. Jaryn ózdiginen 4-shi aýrýhanaǵa aparǵanda, "oq basyn tesip mı ishinde qaldy, azamatsha sol mezette-aq júrip ketkenin" aıtqan", – dep jazdy jýrnalıst.

Marqumnyń jarynyń sózinshe, kólikke oq tıgen kezde er azamat kólikti aıdap kele jatqan.

"Nazarbaev kóshesimen tómen túsip kele jatqanbyz. Oq daýysy estilmedi. Oq tıgen kezde kelinshegimniń qolynda balam bolǵan. Bir kezde tútin shyǵa bastady. Artyma qarasam, áıelim qısaıyp jatyp qalypty. Oqtan qashyp, taǵy 50 metr tómen tústim. Kólikti toqtatyp, áıelimniń jaraqatyn qarasam, basyna oq tıipti", – deıdi Sultan esimdi er azamat.

Er azamat oqıǵaǵa baılanysty is júrgiziledi me dep kóliktegi qandy jýmaǵanyn aıtady.

"Kólikti ashsam, basy ezilip ketken. Janynda úsh balasy eńirep otyr. Snaıperlik oq emes, avtomattyń oǵy eken dep oıladyq. Balanyń kıimi qan-qan. Birnárse boldy ma dep sheshindireıin desem, áshnárse kórinbeıdi. Jedel járdem shaqyrtyp edik, kelmedi", – deıdi marqumnyń týysy.

Gúlmıra Ábiqaı áıeldiń artynda tórt balasy qalǵanyn jazady. Otbasy "vremıanka" jaldap turady eken. Qazirgi tańda jýrnalıst otanasynan aıyrylǵan januıaǵa materıaldyq  kómek retinde qarajat jınaýdyń bastalǵanyn jazady.

"Alshy" qaıyrymdylyq qorynyń rekvızıtteri:

Jeke tulǵalar úshin:
Kaspi Gold: 5169 4971 5129 8662
Kaspi nomer: 8778 376 94 66
Kaspi termınal, IIN: 911 127 402 620
Janar E.

Halyk Bank:
5354 5100 2842 4942
8778 376 94 66
Janar E.

Zańdy tulǵalar úshin:
Kompanııa: OF «Alshy»
IIN/BIN: 211140009151
IIK: KZ70601A861001853571
KBE: 18
Bank: AO «Narodnyı Bank Kazahstana»
BIK: HSBKKZKX

 

"Adyrna" ulttyq portaly.

 

 

 

Pikirler