«Stepnogorsk taý-ken hımııalyq kombınatynyń» akıonerleri «Qazaqstan halqyna» qoǵamdyq áleýmettik qoryna 350 mıllıon teńge aýdardy, dep habarlaıdy «Adyrna» tilshisi.
Bul qarajat azamattardyń densaýlyq saqtaý, bilim berý, áleýmettik qoldaý, mádenıet jáne sport salalaryndaǵy problemalaryn sheshýge baǵyttalatyny belgili boldy.
Qordyń arqasynda tótenshe jaǵdaılar kezinde jáne TJ rejımin engizý kezinde zardap shekken halyqqa kómek kórsetiledi dep josparlanýda.
Sondaı-aq qor sırek kezdesetin aýrýlary bar balalardy emdeýge kómek kórsetip, áleýmettik jáne mádenı obektilerdiń qurylysyn qarjylandyratyn bolady.
Aıta keteıik, «Qazaqstan halqyna» Memleket basshysy Qasym-Jomart Kemeluly Toqaevtyń tapsyrmasy boıynsha quryldy. Onyń basshysy bolyp burynǵy qarjy mınıstri Bolat Jámishev taǵaıyndaldy.
«Adyrna» ulttyq portaly
