Şymkent qalasyna keluşı turisterge qyzmet körsetıp, tarihi, mädeni jäne basqa da nysandardy tanystyratyn gid-ekskursovodtardyŋ sany artuda. Şaharǧa keluşı qonaqtardyŋ eŋ jiı baratyn nysandar qataryna eŋ aldymen qonaq üiler, tamaqtandyru oryndary jäne demalys aimaqtary kıredı.
2200 jyldyq tarihy bar Şymkent qalasy «Qazaqstannyŋ kielı jerlerınıŋ geografiiasy» jobasyna engen, köne jäne qasiettı oryndarǧa bai qala bolyp sanalady.
Mäselen, Şymkent qalasynda tarihi-mädeni oryndar tızımındegı eskı qalaşyq aumaǧyndaǧy «Sitadel» qorǧany, İbragim ata jäne Qaraşaş ana kesenelerı, Märtöbe, Hyzyr mūnarasy, «Qyluet» etno-muzeiı, Qoşqar ata kesenesı, Däuıtūly Şyŋǧysbai qajy syndy tarihi nysandar jeterlık.
Atalǧan tarihi oryndarǧa Qazaqstannyŋ özge qalalarynan jäne şet elderden keluşı azamattar qatary köbeigen. Olar mındettı türde qalanyŋ körıktı jerlerımen qatar tarihi oryndaryn da tamaşalaidy. Sol sebeptı, olarǧa qyzmet eter gid-ekskursovodtarǧa da erekşe nazar audarylǧan.
Şymkent qalasynyŋ Turizm jäne syrtqy bailanystar basqarmasynyŋ mälımetıne säikes, qalada 60-tan asa gid-ekskursovod bar. Olar qazaq tılımen qatar, orys, aǧylşyn, türık, nemıs, ispan tılderın jetık meŋgergen. Mamandardyŋ aituynşa, qalaǧa keluşılerdıŋ basym bölıgı aǧylşyn jäne türık tılderınde jiı aqparat sūraidy. Būl statistika Şymkent qalasyna türıkter men evropalyqtar jiı keletının aŋǧartady.
Aita keterlıgı, basqarmaǧa qarasty «Visit Shymkent» turistık aqparattyq ortalyǧy jyl saiyn gidterdıŋ bılıktılıkterın arttyru maqsatynda bırneşe seminar-trening ötkızedı. Odan özge, ortalyqtyŋ Visit-Shymkent.kz internet portalynda «gid-ekskursovodtar» bölımı arqyly olardyŋ qyzmetı turaly tolyq anyqtama aluǧa bolady, iaǧni, kez-kelgen turist portaldy aşyp, qalaǧan saiahatty taŋdai alady.
Şymkent qalasyna kelgen ärbır qonaq şahardyŋ körkem jerlerın, tarihi-mädeni eskertkışterın jäne tabiǧaty men halyqtyŋ tynys-tırşılıgımen tanysuǧa qyzyǧyp, gidtar men audarmaşylardyŋ qyzmetıne sūranyspen jügınıp otyrady.
"Adyrna" ūlttyq portaly
Ūqsas jaŋalyqtar
