Bırneşe jyldan berı elımızde qyrküiek aiynyŋ är ekınşı jeksenbısı Otbasy künı atap ötılude. Osy merekege orai Bılım jäne ǧylym ministrı Ashat AIMAǦAMBETOV Facebook paraqşasynda öz otbasy jaily jazba jariialap, otandastarymyzdy merekemen qūttyqtady.
Ashat Aimaǧambetov: Ädette jeke ömırım turaly aitpaitynmyn, bıraq bügın jazudy ūiǧardym.
Men köpbalaly otbasynda düniege keldım: menen bölek otbasymyzda taǧy bes bala bar. Äkem 6 jasymda qaitys boldy, keiın anamyzǧa barlyq auyrtpaşylyqty eŋseruge tura keldı. Sol kezde anam 40 jasqa da tolmaǧan edı, bıraq maǧan jasy kelgen kısı siiaqty körınetın. Ony özıŋ sol jasta bolǧanda ǧana jaqsy tüsınedı ekensıŋ.
Odan keiın qiyn kezeŋ, 90-jyldar bastaldy. Anamyzǧa öte qiyn bolǧanyn bılemın. Auylda tūrdyq, anamyz jūmystan bölek bızben, şaruaşylyqpen ainalysty.
Bır-bırımızge kömektestık. Su tasydyq, şaruaşylyqqa aralasyp, malǧa şöp daiyndadyq, peş jaqtyq. Üidegı eresekter artynan ergen bauyrlaryna üirettı, al kışıler ülkenderge kömektestı. Būl qiyn kezeŋnıŋ maǧan üiretkenı mol, äsırese jaqyndarymnyŋ, otbasymnyŋ qanşalyqty qymbat ekenın ūǧyndyrdy.
Men – ekı balanyŋ äkesımın. Jūmystan keiın balalaryŋ men jaryŋ üide qarsy alǧanda barlyq qiyndyqty ūmytasyŋ. Äŋgımelesıp, balalarmen bırge oinaǧannan şarşaǧanyŋ basylady, raqattanyp qalasyŋ.
Jıgerlendırıp, küş-qairat beretın de – otbasym.
Jaqyndarymyzdy baǧalaiyq.
“Otan otbasynan bastalady” deidı dana halqymyz. Är otbasynyŋ damuy arqyly elımız de güldene beredı.
Mereke qūtty bolsyn, dostar!
Barlyǧyŋyzǧa zor densaulyq, otbasylaryŋyzǧa bereke tıleimın!- dep qūttyqtady. Aita keteiık, 2013 jyly Qazaqstan Respublikasynyŋ tūŋǧyş Prezidentı Nūrsūltan Nazarbaevtyŋ «Qazaqstan Respublikasyndaǧy käsıptık jäne özge de merekeler turaly» Zaŋǧa özgertuler engızu jönındegı Jarlyǧyna säikes, qyrküiek aiynyŋ ekınşı jeksenbısı - Otbasy künı bolyp bekıtılgen bolatyn.
Foto aşyq derekközden alyndy
“Adyrna” ūlttyq portaly
