Japonııa bıligi eldegi jalǵyzilikti azamattardyń basyndaǵy qıyndyqty sheshý úshin arnaıy baǵdarlama qabyldap, postındýstrııalyq kezeńnen keıin áleýmettik dert retinde kórinis bergen jalǵyzdyqpen ulttyq deńgeıde kúresýge bel baılap otyr dep habarlaıdy "Adyrna" ulttyq portaly "knife.media" saıtyna silteme jasap.
Bul baǵytta aldaǵy ýaqytta elde táýlik boıy jumys isteıtin keńes berý júıesi qurylady, budan bólek, jalǵyzdyqtan japa shegip júrgen jandar ózara shúıirkelesetin, jumys tabýǵa kómektesetin túrli suhbattasý alańdary ashylady.
Kúnshyǵys eliniń buqaralyq aqparat quraldarynyń dereginshe, atalǵan aral eldiń bıligi jalǵyzilikti japondardyń naqty sanyn bilý úshin halyq sanaǵyn júrgizýdi kózdep otyr. Tipti, mınıstrler kabınetinde jeke hatshylyq ashylǵan.
Aıta ketý kerek, 2021 jyldyń aqpan aıynda Japonııada jalǵyzdyq jónindegi mınıstrlik qurylǵan bolatyn. Atalǵan mınıstrlik jalǵyzdyqpen kúres sharalaryn júrgizip qoımaı, sonymen qatar, eldegi kedeılikti qadaǵalaýmen ári qart kisilerge járdem kórsetýdi úılestirýmen aınalysady. Qazirgi ýaqytta atalmysh mınıstrlikke eldegi týý kórsetkishin kóterý baǵytynda jumys isteıtin mınıstrlikti basqaratyn Seıko Noda esimdi azamat jetekshilik etedi.
Jalǵyzdyqpen kúresýge kúnshyǵys eliniń bıligi kóptegen sebepter boıynsha baryp otyr, sonyń ishinde, 2020 jyly óz-ózine qol jumsaǵandar qarasy sońǵy 11 jylmen salystyrǵanda kúrt ósip ketti. Tek ótken jyldyń ózinde 21 myńdaı japon azamaty sýııd jasaǵan.
"Adyrna" ulttyq portaly
