TARAZDA TAMYZ KEŊESI ÖTTI
Bügın «Balasaǧūn» ortalyq konsert zalynda «Keleshekke – kemel bilimmen» atty oblystyq Tamyz keŋesı öttı, dep habarlaidy adyrna.kz ūlttyq portaly. Jiynǧa Jambyl oblysy äkım Asqar Myrzahmetov qatysyp, ūstazdar qauymyn jaŋa oqu jylymen qūttyqtady.
Oblys äkımdıgınıŋ bılım basqarmasynyŋ basşysy Rahiia Tūrmaǧanbetovanyŋ aituynşa, biyl öŋırdıŋ bılım salasyna 130 mlrd teŋge bölıngen. Atalǧan qarjy ötken jylmen salystyrǧanda 22,2 mlrd teŋgege artyq. Sondai-aq ol būl qarjynyŋ 5,1 mlrd teŋgesı bılım beru nysandarynyŋ qūrylysy men kürdelı jöndeu jūmystaryna qarastyrylǧanyn atap öttı. Sonymen qatar, ol öŋırdegı bılım jüiesınıŋ jetken jetıstıkterı men tüiındı tüitkılderı turaly mäslelelerdı aityp, baiandama jasady.
– Osyǧan orai Prezident Qasym-Jomart Toqaevtyŋ respublikalyq tamyz keŋesınde bılım jäne ǧylym salasynda 8 mäselelı mındetterdı şeşudı tapsyrǧan. Prezident söilegen sözınde ūstazdardyŋ el damuyndaǧy rölı turaly aitqan bolatyn. Būl pedagogtarǧa, onyŋ ışınde jambyldyq pedagogtarǧa da ülken jauapkerşılıktı jükteidı. Jalpy kolledjder, qala jäne auyl mektepterındegı alşaqtyqty joiyp, ata-ananyŋ qorǧauynsyz qalǧan jäne mümkındıgı şekteulı balalardyŋ mäselesın şeşuımız kerek, – dedı ol.
Sonymen qatar, Rahiia Seitbekqyzy oblys kölemınde keibır gimnaziia men liseilerdıŋ eşqandai körsetkışterı bolmasa da 5-7 jyl aralyǧynda direktorlyq qyzmette otyrǧandyǧyn synǧa aldy. Sondyqtan ol mektep pen ata-ana arasyndaǧy bailanysty arttyrudy tapsyryp, audandardaǧy analar men äkeler mektebınıŋ qaǧaz jüzınde bolmauyn qadap aitty.
Al Jambyl oblysynyŋ äkımı Asqar Myrzahmetov özınıŋ qortyndy sözınde «Pedagog Märtebesı turaly» zaŋǧa erekşe toqtaldy. Sondai-aq, ol pedagog qyzmetkerlerdıŋ lauazymdaryna säikes 50-30%-ǧa deiın jalaqylarynyŋ köbeitıletındıgın tılge tiek ettı.
– Jambyl oblysynda öz ısıne adal ūstazdar jetkılıktı. Oǧan oquşylardyŋ halyqaralyq ǧylymi jarystardan jüldelı oryndardy ielenıp jatqandyǧy dälel bola alady. Onyŋ üstıne tülekterdıŋ 65% grant iegerı atanyp, Nazarbaev universitetı men şet eldık joǧary oqu oryndaryna tüsude. Alaida mūndai jetıstıkterge köbıne Taraz qalasynyŋ gimnaziialary qol jetkızıp jatqany jasyryn emes, – dedı oblys äkımı.
Sonymen qatar, äkım 2019 jylǧy Jambyl oblystyq konferensiiasynyŋ soŋynda bırqatar üzdık pedagogtardy marapattap, aǧymdaǧy jyly Taraz qalasyndaǧy A.S.Puşkin atyndaǧy №41 köp salaly gimnaziianyŋ «Orta bılım beretın üzdık ūiym» baiqauynda jeŋımpaz atanǧandyqtan 21 778 000 teŋge sertifikatyn tabystady.
«ADYRNA»
ūlttyq portaly
Ūqsas jaŋalyqtar
