Ötkende dosym Reseidegı Altai respublikasyna baryp keldı. Söitse, ol jaqtaǧy altai qyzdary bızdıŋ Töreǧali men Qairat Nūrtasty tyŋdaidy eken. Būlardyŋ Qazaqstannan ekenın körıp bılgesın "o, töreǧali, qairat nūrtas!" deptı.
İnternettegı qazaq klipterınıŋ körılımın arttyryp, ölıp tūryp köretın osy ainalamyzdaǧy türkı halyqtary ekenın olardyŋ sol videonyŋ astyna jazatyn kommentterınen de körıp jürmız. Menıŋ baiqaǧanym, basqa qyrǧyz, özbek, reseilık türkı halyqtary da bızdıŋ önerdı jaqyn tūtyp, qatty tartylady eken.
Endı keşe iutubten bır noǧai jıgıtınıŋ "qazaǧym, bızdıŋ ümıtımızdı üzbeŋızder" degen joldauyn kördım. Būl jıgıt "otyz jyl barşa türkı halyqtarynyŋ ümıtı qazaqta bolyp edı, ökınışke orai olar ümıttı aqtamady, bıraq älı de ümıtımdı üzbeimın" deptı. Būl Beklerbek degen akkaunt iesı eken, özın tarihşy jıgıt au dep şamaladym.
"Aramyzdaǧy eŋ ırı jäne äleuettı halyq retınde qazaq halqy özı ūiytqy bolyp bärımızdı bastap şyǧyp, iaǧni köşpelı jūrttyŋ basyn bırıktırıp, eŋsemızdı tıkteuge ülken septıgın tigızedı" degen būl baiǧūs bauyrlarymyzdyŋ maqsaty, ışkı armany bolsa kerek. Ony bız aqtamappyz, bızdıŋ şalǧa būl da ökpelı siiaqty, özı qaradai nalyp otyr.
Rasynda, köptegen türkı jūrty bızdı, qazaqtardy, babalar amanatyn arqalaǧan halyq dep sanap, bızden ülken ümıt kütedı, ondaidy men bırınşı ret estıp tūrǧan joqpyn.
Būl noǧai jıgıt özge rolikterındegı sözderınde bügıngı Qazaq Elın, būryŋǧy tarihi köşpendıler imperiiasynyŋ naqty mūragerı retınde tanyp, bızdıŋ syrttai tıleuımızdı tılep otyrady eken, onysyna rahmet.
https://www.youtube.com/watch?v=Dk1IcMCew0g&feature=share
Oljas ƏBIL
"Adyrna" ūlttyq portaly
