ع.سلانوۆ اتىنداعى وبلىستىق عىلىمي امبەباپ كىتاپحاناسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا، قازاقستاندا بالالار مەن جاسوسپىرىمدەردىڭ كىتاپ وقۋىن قولداۋ جىلىنا وراي ، «پاراسات جولى» ورتالىعىندا، «ءبىر ەل – ءبىر كىتاپ» اكتسياسى اياسىندا جازۋشى، حالىقارالىق «الاش سىيلىعىنىڭ يەگەرى» ساۋلە دوسجاننىڭ «قاسىرەت پەن تاعدىر» كىتابىنان ادەبي-قوناقجاي كەشى ۇيىمداستىرىلدى، دەپ حابارلايدى "ادىرنا" ۇلتتىق پورتالى.
كەشكە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى مامىت ايدوس جانۇزاقۇلى، «پاراسات جولى» ورتالىعىنىڭ مۇشەلەرى: اقىن،قازاقستاننىڭ ەڭبەك سىڭىرگەن قايراتكەرى، قر جازۋشىلار وداعى اتىراۋ وبلىستىق فيليالىنىڭ توراعاسى جىلقىشيەۆ قويشىعۇل ءومىرۇلى، ەڭبەك ارداگەرى، اتىراۋ قالاسىنىڭ قۇرمەتتى ازاماتى سۇلەيمەنوۆ سۇيەعالي راحىمۇلى، تاريحشى-ولكەتانۋشى امانعالي ءامىرجانۇلى، «بەلسەندى ۇزاق ءومىر ءسۇرۋدى الەۋمەتتىك قولداۋ» ورتالىعىنىڭ ۇيىمداستىرۋشىسى ماساليموۆا سالتانات مۇراسبەكقىزى مۇشەلەرىمەن جانە ق.دۇتباەۆا اتىنداعى گۋمانيتارلىق كوللەدجى مۇعالىمى قاپانوۆا جانەركە باقىتبەكقىزى ستۋدەنتتەرىمەن قاتىناستى.
كىتاپحاناشى بايەشەۆا عاليا سالىمجانقىزى س.دوسجاننىڭ «قاسىرت پەن تاعدىر» كىتابىندا باس كەيىپكەر اياۋلىمنىڭ باسىنان وتكەن قىزىعىنان قيىندىعى كوپ، كۇلكىسىنەن كۇڭىرەنگەنى كوپ وقيعالار تىزبەگىن شارا قوناقتارىنىڭ قاتىسۋمەن تالقىلاپ، كەش قوناقتارى وي-پىكىرلەرىن ورتاعا سالىپ، شارا ءوز دەڭگەيىندە وتكەنىن اتاپ ءوتتى.
"ادىرنا" ۇلتتىق پورتالى
