«Qasiret pen taǵdyr»: ádebı-qonaqjaı kesh uıymdastyryldy

2475

Ǵ.Slanov atyndaǵy oblystyq ǵylymı ámbebap kitaphanasynda Qazaqstan Respýblıkasy Táýelsizdiginiń 30 jyldyǵyna, Qazaqstanda balalar men jasóspirimderdiń kitap oqýyn qoldaý jylyna oraı , «Parasat joly» ortalyǵynda, «Bir el – bir kitap» akııasy aıasynda jazýshy, Halyqaralyq «Alash syılyǵynyń ıegeri» Sáýle Dosjannyń «Qasiret pen taǵdyr» kitabynan ádebı-qonaqjaı keshi uıymdastyryldy, dep habarlaıdy "Adyrna" ulttyq portaly.

Keshke Qazaqstan Respýblıkasy Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Mamyt Aıdos Januzaquly, «Parasat joly» ortalyǵynyń músheleri: aqyn,Qazaqstannyń eńbek sińirgen qaıratkeri, QR Jazýshylar Odaǵy Atyraý oblystyq fılıalynyń tóraǵasy Jylqyshıev Qoıshyǵul Ómiruly, Eńbek ardageri, Atyraý qalasynyń qurmetti azamaty Súleımenov Súıeǵalı Rahymuly, tarıhshy-ólketanýshy Amanǵalı Ámirjanuly, «Belsendi uzaq ómir súrýdi áleýmettik qoldaý» ortalyǵynyń uıymdastyrýshysy Masalımova Saltanat Murasbekqyzy múshelerimen jáne Q.Dútbaeva atyndaǵy gýmanıtarlyq kolledji muǵalimi Qapanova Janerke Baqytbekqyzy stýdentterimen qatynasty.

Kitaphanashy Baıesheva Ǵalııa Sálimjanqyzy S.Dosjannyń «Qasirt pen taǵdyr» kitabynda bas keıipker Aıaýlymnyń basynan ótken qyzyǵynan qıyndyǵy kóp, kúlkisinen kúńirengeni kóp oqıǵalar tizbegin shara qonaqtarynyń qatysýmen talqylap, kesh qonaqtary oı-pikirlerin ortaǵa salyp, shara óz deńgeıinde ótkenin atap ótti.

"Adyrna" ulttyq portaly

Pikirler
Redakııa tańdaýy