تۇران جولبارىسىن قايتا ەنگىزۋ مەن ۇلىتاۋ وبەكتىلەرىن ساقتاۋ شارتتارى 1,7 ملرد تەڭگەنى قۇرايدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەمە جاساپ.
«بيۋدجەتتىك باعدارلاما بويىنشا جالپى شىعىستار (« تۇران جولبارىسىن قايتا ەنگىزۋ ءۇشىن جاعداي جاساۋ جانە ۇلىتاۋ تاۋ جوتاسىنىڭ تابيعي، تاريحي جانە مادەني وبەكتىلەرىن ساقتاۋعا كومەك كورسەتۋ »، مىڭ تەڭگەمەن - قازتاگ): 2021 - 940 000; 2022 - 808 794 »، - دەلىنگەن بيۋدجەتتىك باعدارلامانىڭ جوباسىندا.
مىندەتتەرىنە: «2022 جىلى» ىلە -بالقاش «مەملەكەتتىك تابيعي قورىعىنىڭ اۋماعىنا بۇقار بۇعى مەن قۇلاندى قايتا ەنگىزۋ”،- دەپ كورسەتىلگەن.
«جوبا تۇران جولبارىسىنىڭ جويىلىپ كەتكەن پوپۋلياتسياسىن تاريحي مەكەندەۋ ورتاسىنا قايتا ەنگىزۋ ءۇشىن قاجەتتى جاعدايلار جاساۋعا، ۇلىتاۋ تاۋ جوتاسىنىڭ تابيعي جانە تاريحي -مادەني مۇراسىن ساقتاۋ مەن ۇتىمدى پايدالانۋعا تۇراقتى نەگىز قۇرۋعا باعىتتالعان »، - دەلىنگەن باعدارلامانىڭ ماقساتىندا.
سيپاتتامادا كورسەتىلگەندەي، بۇل بيۋدجەتتىك باعدارلامانىڭ نەگىزگى شىعىندارى:
- تۇران جولبارىسىنىڭ قايتا ورالۋىنا جاعداي جاساۋ;
- ۇلىتاۋ تاۋ جوتاسىنىڭ ەكوجۇيەلەرى مەن تاريحي -مادەني قۇندىلىقتارىن ساقتاۋ ءۇشىن جاعداي جاساۋ;
- ەرەكشە قورعالاتىن تابيعي اۋماقتىڭ قىزمەتكەرلەرى مەن جەرگىلىكتى تۇرعىنداردىڭ الەۋەتىن ارتتىرۋ جانە اقپاراتتاندىرۋ.
