بۇگىن تالدىقورعان قالاسىنىڭ نازارباەۆ زياتكەرلىك مەكتەبىندە جاڭا وقۋ جىلىنىڭ باستالۋىنا ارنالعان سالتاناتتى ءىس-شارا ءوتتى.
بيىل 117 وقۋشى كەشەندى تەستتەن جوعارى ناتيجەگە قول جەتكىزىپ، قر تۇڭعىش پرەزيدەنتىنىڭ «وركەن» ءبىلىم گرانتىن يەلەندى.
2020-2021 وقۋ جىلىندا 67 تۇلەك سىرتقى باعالاۋدىڭ قورىتىندىسى بويىنشا جوعارى ناتيجەنى كورسەتتى، ونىڭ ىشىندە 19 تۇلەك نازارباەۆ ۋنيۆەرسيتەتىنىڭ ستۋدەنتى اتانسا، 11 تۇلەك اقش، كورەيا، يتاليا، ۆەنگريا جانە رەسەي جوعارى وقۋ ورىندارىنا ءتۇستى.
تۇلەگىمىز ەرتاناتوۆ سەزىم الەمدەگى ەڭ بەدەلدى ۋنيۆەرسيتەت، پليۋشش ليگاسىنىڭ قۇرامىنا كىرەتىن، اتاقتى گارۆارد ۋنيۆەرسيتەتىنىڭ گرانت يەگەرى اتانسا، جەمىسبەك ديلناز الەمدىك ۇزدىك جۇزدىككە كىرەتىن كورەيانىڭ KAIST جوعارى وقۋ ورنىنىڭ گرانت يەگەرى اتاندى.
«سالەم ساعان، التىن ۇيا مەكتەبىم!» العاشقى قوڭىراۋ سالتاناتتى جيىنى قازاقستان رەسپۋبليكاسى كونستيتۋتسياسىنىڭ 25 جىلدىعى مەن تاۋەلسىزدىكتىڭ 30 جىلدىعى اياسىندا وتكىزىلدى.
مەرەكەلەردىڭ سيمۆولدىق داتاسىنا وراي زياتكەرلىك مەكتەپتىڭ بي ءانسامبلى «بىرلىك» ءبيىن ۇسىندى.
بارلىق سىنىپتار ءۇشىن «تاۋەلسىزدىك» جانە «قاۋىپسىزدىك» ساباقتارى وتكىزىلدى.
مەكتەپ ديرەكتورى ۆيكتور سوسين وركەن گرانتىنىڭ يەگەرلەرىن نزم اتريبۋتىمەن سىيلاپ قۇتتىقتادى.
سىزدەردى ءبىزدىڭ مەكتەپتىڭ قابىرعاسىندا، ۇلكەن جانە مەيىرىمدى نزم وتباسىندا قارسى العانىما قۋانىشتىمىن. بۇگىنگى كۇندى ەستە ساقتاۋعا تىرىسىڭىز. ويتكەنى بۇگىن سىزدەر ءومىرىڭىزدىڭ جاڭا بەتىن اشاسىزدار. الداعى ۋاقىتتا سىزدەردى كوپتەگەن جەتىستىكتەر مەن جاڭالىقتار كۇتىپ تۇر. وقۋدا ساتتىلىك پەن تاماشا ناتيجە تىلەيمىن »، - دەدى مەكتەپ ديرەكتورى ۆيكتور سوسين.
وركەن گرانتىنىڭ يەگەرى اقبەرەن بولاتحان ەكى جىل بويى زياتكەرلىك مەكتەبىنە ءتۇسۋ ءۇشىن دايىندالدى، سەبەبى بۇل ونىڭ ارمانى ەدى. نزم-گە تۇسۋگە دەگەن ۇمتىلىسىن اتا-اناسى دا، مۇعالىمدەرى دە قولدادى. ويتكەنى، اقبەرەن تەك وقۋعا عانا ەمەس، ماتەماتيكاداعى وليمپيادالىق قوزعالىسقا قاتىسۋعا ماقسات قويۋدا. سونىمەن قاتار، ول پوەزيانى جاقسى كورەدى. ونىڭ سۇيىكتى اۆتورى - مۇقاعالي ماقاتاەۆ. اقبەرەن ادامنىڭ مۇمكىندىكتەرى شەكسىز دەپ سانايدى، سوندىقتان جەتىستىككە جەتەلەيتىن مۇمكىندىكتەرىن جىبەرىپ الماۋىمىز كەرەك دەيدى ءوز سۇحباتىندا.
