پارلامەنت سەناتىنىڭ توراعاسى ماۋلەن اشىمباەۆ ءار زاڭ جوباسىن تالقىلاعان كەزدە قوعامنىڭ پىكىرىن ەسكەرۋ قاجەتتىگىن ايتتى دەپ حابارلايدى «ادىرنا» ۇلتتىق پورتالى Baq.kz. اگەنتتىگىنە سىلتەمە جاساپ.
ونىڭ بۇلاي ايتۋىنا سەبەپ جەتكىلىكتى. الىسقا بارماي-اق وتباسىلىق زورلىق-زومبىلىققا قاتىستى زاڭنىڭ ءوزى قوعامدا ءبىراز تالقىعا ءتۇسىپ جاتىر.
پرەزيدەنت قاسىم-جومارت توقاەۆ مەملەكەتتىك ورگانداردىڭ الدىندا تۇرعان نەگىزگى ماقساتتارعا توقتالىپ ءوتتى. ولاردىڭ ءبارى حالىقتىڭ ءومىر ءسۇرۋ ساپاسىن جاقسارتاتىن، ەلىمىزدىڭ ساياسي جانە الەۋمەتتىك-ەكونوميكالىق دامۋىنا تىڭ سەرپىن بەرەتىن باستامالار. وسىعان بايلانىستى پارلامەنت پەن ۇكىمەتكە ماڭىزدى مىندەتتەر جۇكتەلىپ وتىر. جاريالانعان رەفورمالاردى ساپالى زاڭدارمەن قامتاماسىز ەتۋ – ءبىزدىڭ باستى مىندەتىمىز. زاڭدار ەڭ الدىمەن ۇلتتىق مۇددەنى قورعاۋعا ءتيىس. ال ۇلتتىق مۇددە دەگەنىمىز – حالىق پەن مەملەكەتتىڭ مۇددەسى،- دەدى ماۋلەن اشىمباەۆ.
پرەزيدەنت رەفورمالارىن ىسكە اسىرۋ ءۇشىن سەنات ماجىلىسپەن جانە ۇكىمەتپەن بىرلەسىپ ناتيجەلى جۇمىس ىستەۋگە دايىن ەكەندىگىن ايتتى.
مەملەكەت باسشىسى اتاپ وتكەندەي، قوعامدى الاڭداتقان ماسەلەلەر پارلامەنتتە تالقىلانۋى قاجەت. پارلامەنت وزەكتى ماسەلەلەردىڭ شەشىمىن تاباتىن ورتالىققا اينالۋعا ءتيىس. سوندىقتان ەلمەن ەتەنە جۇمىس ىستەۋ - اسا ماڭىزدى. ءار زاڭ جوباسىن تالقىلاعان كەزدە قوعامنىڭ پىكىرىن ەسكەرۋىمىز كەرەك. سەنات جۇمىسىنا قوعامدىق ۇيىمدار مەن الەۋمەتتىك توپتاردىڭ وكىلدەرىن، ءتيىستى مامانداردى كەڭىرەك تارتۋىمىز قاجەت. مۇنداي قادام زاڭ شىعارۋ جۇمىسىنىڭ جانە قابىلدانىپ جاتقان زاڭداردىڭ تيىمدىلىگىن ارتتىراتىنى ءسوزسىز،- دەدى سەنات توراعاسى.
